ऋषभ पंतचे प्रशिक्षक म्हणाले- त्याला माझेही आयुष्य लाभो:तीन ड्रायव्हर असतानाही तो एकटाच येत होता, हा त्याचा निष्काळजीपणा होता

‘ऋषभ पंतलाही माझेही आयुष्य लाभो’. सर्वांच्या प्रार्थना ऋषभसोबत आहेत.” हे शब्द आहेत ऋषभ पंतचे प्रशिक्षक अवतार सिंग यांचे. ते अजूनही रुरकीमध्ये वीर शौर्य क्रिकेट अकादमी चालवतात. ऋषभ पंतच्या अपघाताची माहिती एका विद्यार्थ्याने त्यांना सकाळी 6 वाजता फोनवरून दिली.

अवतार सिंहने सांगितले की, सुरुवातीला त्यांचा विश्वासच बसला नाही, कारण ऋषभ बेपर्वाईने गाडी चालवत नाही. पण, त्यानंतर लगेचच दुसरा फोन आला. त्यानंतर मी ज्या अवस्थेत होतो तसात त्या ठिकाणी पोहोचलो. मंगळुरू पोलिस स्टेशनच्या इन्स्पेक्टरचाही फोन आला. त्यानंतर ती ऋषभची कार असल्याचे स्पष्ट झाले.

त्यांना प्राथमिक उपचारासाठी सक्षम रुग्णालयात दाखल करण्यात आले. मी तिथे पोहोचेपर्यंत डॉक्टरांनी रेफरल दिले होते. त्याच्या स्थितीबद्दल डॉक्टरांना विचारले आणि मग परतलो

प्रशिक्षक म्हणाले - निष्काळजीपणा करू नये

प्रशिक्षक अवतार सिंग सांगतात, “त्याच्याकडे तीन- तीन ड्रायव्हर आहेत. जेव्हा त्याला त्याच्या घरी किंवा कुठेही जायचे होते तेव्हा त्याने ड्रायव्हरला सोबत घ्यायला हवे होते. हा त्याचा निष्काळजीपणा होता. तथापि, जे घडले ते बदलणे शक्य नाही. आता मी देवाला प्रार्थना करतो की तो ऋषभला लवकर बरा करो. त्याला माझेही आयुष्य लाभो. भारतीय क्रिकेट संघात पुन्हा स्थान मिळावे. हीच सर्वांची प्रार्थना.

मात्र, क्रिकेटपटू ऋषभ पंतचा अपघात कसा झाला? लोकांनी त्यांना कसे वाचवले. दिव्य मराठीने विविध लोकांशी संवाद साधला. जे तातडीने घटनास्थळी पोहोचले होते, त्यात हरियाणा रोडवेजचे कंडक्टर परमजीत आणि दुसरे ड्रायव्हर सुशील कुमार यांचा समावेश होता.

ऋषभ पंतला कोणीही ओळखले नाही

पहिल्या बसचालक सुशील कुमारच्या शब्दात

क्रिकेटपटू ऋषभ पंतची मर्सिडीज शुक्रवारी पहाटे 5.15वाजता ब्लॅक स्पॉटमुळे उडाली आणि 300 मीटर अंतरावर जावून पडली. ती घसरत जावून पलीकडे म्हणजे हरिद्वारहून दिल्लीला जाणारा राष्ट्रीय महामार्गावर आपटली. हरियाणा रोडवेजची बस (HR67A8824) देखील ऋषभची मर्सिडीज ज्या ठिकाणी पडली होती त्या ठिकाणी होती. त्याचा चालक सुशील याला अचानक ब्रेक लावावा लागला.

बसमध्ये बसलेल्या प्रवाशांमध्ये एकच गोंधळ उडाला. सगळे खाली उतरले. जळत्या गाडीकडे धाव घेतली. मर्सिडीजची विंडशील्ड तोडून पंतला बाहेर काढण्यात आले. काही पैसे होते, जे रस्त्यावर पडले होते. चार-पाच हजार रुपये असावेत जे नंतर ऋषभला दिले गेले.

जखमी पंतला 50 मीटर अंतरावर असलेल्या दुभाजकावर बसवण्यात आले. कपड्यांना आग लागली होती म्हणून कपडे काढले. फक्त अंडरवेअर होती. थंडी होती म्हणून एका प्रवाशाने उबदार चादर दिली. पंत यांच्या सांगण्यावरून चालक सुशीलने पंतच्या आईलाही फोन केला, मात्र मोबाईल बंद होता.

कंडक्टर परमजीत म्हणाला - आम्ही मॅच बघत नाही, म्हणून पंतला ओळखू शकलो नाही

या अपघातात क्रिकेटपटू ऋषभ पंतला हरियाणा रोडवेजच्या ड्रायव्हर आणि कंडक्टरने मदत केली होती. ज्याचा पुरस्कारही हरियाणा रोडवेजच्या बड्या अधिकाऱ्यांनी दिला आहे. दोघांनाही प्रशस्तीपत्र देऊन गौरविण्यात आले आहे. ड्रायव्हर परमजीत सांगतो की त्यालाच काय तर बसमध्ये बसलेल्या एकाही प्रवाशाला तो ऋषभ पंत आहे हे माहीत नव्हतं किंवा त्यांनी पंतला ओळखंल नव्हते. कारण आम्ही सामना पाहत नाही. ज्यांनी पाहिले असते, त्यांना तो ओळखता आला नाही.

तो म्हणतो चला रस्त्यावर जाऊया. जर आपण अशा प्रकारे एकमेकांना मदत केली नाही तर गोष्टी कशा चालतील? आम्ही गरीब-श्रीमंत सर्व प्रकारच्या बसमधून प्रवास करतो. गाडीत ऋषभ पंत होता हे माहीत नव्हते. मदत करायची होती आणि मदत केली. डेपोत पोहोचल्यावर तो भारतीय क्रिकेटपटू ऋषभ पंत असल्याचे आढळून आले. ते सुद्धा पानिपत रोडवेज डेपोचे जीएम कुलदीप जांगरा यांनी सांगितले म्हणून आम्हाला समजले.

कारच्या डिग्गीला पहिल्यांदा लागली आग

बस चालक सुशीलने सांगितले की, ऋषभच्या कारला डिक्कीतून आग लागली. आम्ही गाडीजवळ पोहोचलो तोपर्यंत आग गाडीच्या पुढच्या सीटपर्यंत पसरली होती. ऋषभच्या कपड्यांनाही आग लागली. ज्यांना पटकन काढून उबदार चादर देण्यात आली.

तो व्हिडिओ बनवण्यास नकार देत होता. होय, त्यानेच हे सांगितले, व्हिडिओ बनवल्याने तो अडचणीत येईल. माझे नाव ऋषभ पंत असल्याचेही सांगण्यात आले. पण आमचे लक्ष तिकडे गेलेच नाही.

आता पंतांना प्रथम उपचार देणारे डॉ. सुशील नागर यांचे शब्दात…

मॅक्स हॉस्पिटलचे ऑर्थोपेडिक स्पेशालिस्ट डॉ. सुशील नागर सांगतात की, सकाळी 6 वाजता पोलीस रुग्णवाहिकेतून ऋषभला घेऊन हॉस्पिटलमध्ये पोहोचले. तोपर्यंत ग्रामीण भागाचे एसपीही पोहोचले होते. ऋषभची प्रकृती एकदम सामान्य होती. हाताला थोडाबहोत मार लागलेला होता आणि कपाळावर उघडी जखम होती. ज्याची मलमपट्टी झाली. एक्स-रेही करण्यात आला. तोपर्यंत मीही हॉस्पिटलमध्ये पोहोचलो होतो. MRI करून घेण्याची चर्चा होती. पण कोणतीही जोखीम न घेता मी उच्च केंद्राकडे पाठवले. पंतवर आता मॅक्स रुग्णालयात उपचार सुरू आहेत.