कर्णधार रोहित की विराट?:हर्षलला बॉलिंग देत होता रोहित शर्मा; कोहलीने मध्येच थांबवून चहलला दिली संधी, अन् विकेट पडली!

भारत आणि वेस्ट इंडिज यांच्यात खेळल्या गेलेल्या दुसऱ्या T20 सामन्यात वेस्ट इंडिजच्या डावात सहाव्या षटकात एक मजेदार प्रसंग पाहायला मिळाला. संघाचा कर्णधार रोहित शर्माने हर्षल पटेलला गोलंदाजीसाठी बोलावले. पटेलही गोलंदाजी करण्यासाठी आला होता, मात्र त्यानंतर कोहलीने हर्षलला ओव्हर देण्यापासून रोहितला थांबवले आणि युझवेंद्र चहलला गोलंदाजी करण्यास सांगितले. सूर्यकुमार यादवनेही कोहलीला सहमती दर्शवली.

हिटमॅननेही कोहलीला होकार दिला आणि गोलंदाजी चहलकडे सोपवली आणि त्याने पहिल्याच चेंडूवर मेयर्सला बाद केले. यामुळे भारताला पहिली विकेट मिळाली. चहलने लेग लेन्थवर बोल टाकला. मेयर्सला मोठा शॉट खेळायचा होता, पण चेंडू दूर गेला नाही आणि चहलने त्याच्याच चेंडूवर सोपा झेल घेतला. संघाचा कर्णधार रोहित असेल, पण इथे कोहलीची योजना कामी आली.

हर्षलने टाकली शेवटची ओव्हर
वेस्ट इंडिजला सामन्यात शेवटच्या षटकात 25 धावांची गरज होती, भारताकडून हर्षल पटेलला गोलंदाजीसाठी पाचारण करण्यात आले. वेस्ट इंडिजच्या फलंदाजांनी दोन षटकारही मारले होते, पण अखेरीस विजय टीम इंडियानेच पटकावला. शेवटच्या षटकात सर्वजण टेन्स होते कारण रोव्हमन पॉवेल आणि किरॉन पोलार्ड हे फलंदाजीसाठी धोकादायक फलंदाज आहेत आणि ते मोठे फटके खेळण्यासाठी ओळखले जातात.

भारत आणि वेस्ट इंडिज यांच्यात खेळल्या गेलेल्या दुसऱ्या T20 सामन्यात टीम इंडियाने वेस्ट इंडिजचा 8 धावांनी पराभव केला. विंडीजसमोर 187 धावांचे लक्ष्य होते, परंतु संघाला 20 षटकात 3 गडी गमावून केवळ 178 धावा करता आल्या आणि सामना गमावला. या विजयासह टीम इंडियाने टी-20 मालिकाही जिंकली आहे.