नुपूर शर्माच्या समर्थनात माजी क्रिकेटपटू:पुतळा लटकवल्यानंतर व्यंकटेश प्रसाद म्हणाला- हा 21व्या शतकातला भारत नाही

टीम इंडियाचा माजी दिग्गज वेगवान गोलंदाज व्यंकटेश प्रसाद भाजप नेत्या नुपूर शर्माच्या समर्थनार्थ उतरला आहे. कर्नाटकच्या बेळगाव येथील मुस्लिम मशिदीबाहेर नुपूर शर्मा यांचा पुतळा टांगण्यात आला. व्यंकटेश याने यावर ट्विट करून आपली प्रतिक्रिया दिली आहे. तो म्हणाले की, हा 21व्या शतकातला भारत आहे यावर माझा विश्वास बसत नाही.

व्यंकटेश यांनी एकापाठोपाठ एक अनेक ट्विट केले. त्याच्या या वक्तव्यावर लोकांनी ट्रोलही करायला सुरुवात केली, या प्रकरणावर व्यंकटेश संतप्त झाला असून त्याने अतिशय तिखट शब्दात उत्तर दिले.

राजकारण बाजूला ठेवा आणि विवेकबुद्धीने वागा

व्यंकटेश यांनी आपल्या पहिल्या ट्विटमध्ये लिहिले की, हा कर्नाटकातील नुपूर शर्माचा लटकलेला पुतळा आहे. विश्वास बसत नाही की, हा 21व्या शतकाचा भारत आहे. मी सर्वांना विनंती करतो की असे वाईट राजकारण करू नका आणि समजूतदारपणाने वागा.

वृत्तवाहिन्या आहेत जबाबदार

यानंतर, दुसर्‍या ट्विटमध्ये व्यंकटेश यांनी लिहिले की, या ट्विटचा अर्थ अविश्वसनीय आहे. या परिस्थितीला वृत्तवाहिन्या तसेच अशा कारवायांना साथ देणारे लोक जबाबदार आहेत. बरं, हा विषय फक्त एका पुतळ्यापूरता मर्यादीत नाही तर हे प्रकरण एकापेक्षा जास्त लोकांसाठी धोकादायक आहे.

व्यंकटेश झाला ट्रोल

त्यांच्या या ट्विटवर लोकांनी ट्रोल करण्यास सुरुवात केली. यामुळे व्यंकटेश संतापला आणि त्याने पुन्हा ट्विट केले आणि लिहिले की, माझ्या एका ट्विटमुळे लोकांच्या भावना दुखावल्या जात आहेत आणि आपल्या देशात अशा लोकांची यादी न संपणारी आहे. पत्रकारांपासून ते संसदपटूंपर्यंत प्रमुख वृत्तपत्रांपर्यंत हिंदू देवतांची खिल्ली उडवणाऱ्या तथाकथित आघाडीच्या कलाकारांपर्यंत केवळ सनातन धर्मानेच वारंवार सहिष्णुता दाखवली आहे.

व्यंकटेश इथेच थांबला नाही तर त्याने आणखी एक ट्विट केले, त्यात त्याने असे लिहिले की दोन चुकीचे असणे योग्य ठरत नाही, परंतु मला असा कोणताही देश माहित नाही जिथे बहुसंख्य लोकसंख्येला इतके असुरक्षित वाटत असेल. प्रत्येकाचे संरक्षण करणे आवश्यक आहे परंतु प्रचारासाठी हा ब्रेनवॉश थांबणे आवश्यक आहे. सहिष्णुता हा दोन्ही बाजूने जाणारा रस्ता आहे. त्यांच्या या ट्विटवर तो पुन्हा ट्रोल झाला.