आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Cricket
  • 'Rawalpindi Express' To Release On November 16: Shoaib Akhtar Shares Motion Poster; Wrote Announcing My Story, My Life, My Biopic

16 नोव्हेंबरला येणार ‘रावळपिंडी एक्सप्रेस’:शोएब अख्तरने शेअर केले मोशन पोस्टर; लिहिले-...माझ्या बायोपिकची घोषणा करतो

25 दिवसांपूर्वी
  • कॉपी लिंक

जगातील सर्वात वेगवान गोलंदाज असलेला शोएब अख्तर पुढील वर्षी मोठ्या पडद्यावर दिसणार आहे. त्याच्यावर एक चित्रपट बनणार आहे, जो 16 नोव्हेंबर 2023 रोजी प्रदर्शित होणार आहे. या चित्रपटाचे नाव आहे 'रावळपिंडी एक्सप्रेस - रनिंग अगेन्स्ट द ऑड्स'. स्वत: शोएब अख्तरने ही घोषणा केली आहे.

46 वर्षीय माजी पाकिस्तानी गोलंदाजाने रविवारी रात्री एक मोशन पोस्टर पोस्ट केले. यात शोएबने लिहिले की, या सुंदर प्रवासाची सुरुवात. ‘अपनी कहानी, अपनी जिंदगी अपनी बायोपिक” लॉन्च करण्याची घोषणा.

त्यांने लिहिले की रावळपिंडी एक्स्प्रेस - रनिंग अगेन्स्ट द ऑड्स. जर तुम्हाला वाटत असेल की तुम्हाला बरेच काही माहित आहे, तर तुम्ही चुकीचे आहात. तुम्ही अशा राइडवर असाल जे तुम्ही यापूर्वी कधीही केले नसेल.

शोएब रेल्वे ट्रॅकवर धावताना दिसत आहे

24 सेकंदाच्या या मोशन पोस्टरमध्ये शोएब अख्तर रेल्वे ट्रॅकवरून धावताना दिसत आहे आणि पार्श्वसंगीतासह रेल्वे इंजिनचा हॉर्न ऐकू येतो. पोस्टच्या शेवटी रिलीजची तारीख देखील जाहीर केली आहे. तारखेच्या खाली लिहिलं आहे - 'डोंट मिस द राइड।'.

सर्वात वेगवान चेंडू (161.1 किमी/ता) फेकण्याचा विक्रम शोएबच्या नावावर आहे.
सर्वात वेगवान चेंडू (161.1 किमी/ता) फेकण्याचा विक्रम शोएबच्या नावावर आहे.

पाक खेळाडूवर पहिला विदेशी चित्रपट

पाकिस्तानी खेळाडूवर बनलेला हा पहिला विदेशी चित्रपट आहे. पाकिस्तानातील अनेक सेलिब्रिटींनी प्रतिक्रिया दिल्या असून ते या चित्रपटाची आतुरतेने वाट पाहत आहेत. या मोशन पोस्टरला 5 लाखांहून अधिक व्ह्यूज मिळाले आहेत.

अख्तर लिजेंड्स क्रिकेट लीग खेळताना दिसणार आहे

शोएब अख्तर या वर्षी सप्टेंबरमध्ये लिजेंड्स लीग क्रिकेटमध्ये खेळताना दिसणार आहे. निवृत्त झालेले माजी दिग्गज क्रिकेटपटू या लीग क्रिकेटमध्ये भाग घेतात.

शोएबने आंतरराष्ट्रीय क्रिकेटमध्ये घेतल्या आहेत 444 विकेट

शोएब अख्तरने आंतरराष्ट्रीय क्रिकेटमध्ये एकूण 444 विकेट घेतल्या आहेत. त्याने कसोटीत 178 विकेट्स, एकदिवसीय सामन्यात 247 आणि टी-20 आंतरराष्ट्रीय सामन्यात 19 बळी घेतले आहेत. अख्तरने 2011 मध्ये आंतरराष्ट्रीय क्रिकेटमधून निवृत्ती घेतली.

बातम्या आणखी आहेत...