टीम इंडियाला मोठा धक्का:सूर्यकुमार यादव आणि दीपक चहर श्रीलंका टी-20 मालिकेतून बाहेर; प्लेइंग इलेव्हनमध्ये या खेळाडूंना मिळू शकते संधी

श्रीलंकेविरुद्धच्या टी-20 मालिकेपूर्वी टीम इंडियाला मोठा झटका बसला आहे. संघाचे दोन स्टार खेळाडू दीपक चहर आणि सूर्यकुमार यादव दुखापतींमुळे संपूर्ण मालिकेतून बाहेर गेले आहेत. त्याचवेळी, श्रीलंकेचा स्टार अष्टपैलू खेळाडू वानिंदू हसंरगा देखील कोरोना पॉझिटिव्ह असल्याने संपूर्ण मालिकेतून बाहेर पडला आहे.

सूर्यकुमारच्या बाहेर पडल्याने फलंदाजीवर परिणाम!
सूर्यकुमार यादवच्या हाताला हेअरलाइन फ्रॅक्चर झाल्यामुळे श्रीलंका टी-20 मालिकेतून बाहेर पडावे लागले आहे. विराट कोहली आणि ऋषभ पंत श्रीलंकेसोबतच्या T20I मालिकेतून आधीच ब्रेकवर आहेत. अशा परिस्थितीत सूर्यकुमारच्या बाहेर पडल्यानंतर भारतीय फलंदाजी कमकुवत झाली आहे. मात्र, सूर्याच्या जागी वेंकटेश अय्यर चौथ्या क्रमांकावर फलंदाजीला येऊ शकतो. त्याचबरोबर दीपक हुडा आणि संजू सॅमसन यांना प्लेइंग इलेव्हनमध्ये संधी मिळू शकते. श्रीलंकेविरुद्धच्या मालिकेत संजूचे संघात पुनरागमन झाले आहे. त्याचवेळी हुडाने वेस्ट इंडिजविरुद्धच्या टी-20 मालिकेतून आंतरराष्ट्रीय क्रिकेटमध्ये पदार्पण केले.

दीपक चहर आधीच बाहेर

सूर्याशिवाय दीपक चहरही मालिकेतून बाहेर झाला आहे. वेस्ट इंडिजविरुद्धच्या शेवटच्या T20I मालिकेत चहरला दुखापत झाली होती. यानंतर त्याला मध्येच मैदान सोडावे लागले. दीपकने वेस्ट इंडिजविरुद्धच्या टी-20 मालिकेत 3 सामन्यात 3 विकेट घेतल्या होत्या.

चहर बाद झाल्याने गोलंदाजीत फारसा फरक नाही
दीपक चहरच्या बाहेर पडल्याने भारतीय वेगवान आक्रमणात फारसा फरक पडणार नाही. जसप्रीत बुमराह विंडीज मालिकेतून विश्रांतीनंतर परतला आहे. त्याचबरोबर भुवनेश्वर कुमार, आवेश खान, मोहम्मद सिराज आणि हर्षल पटेल हे संघात आहेत. आवेश खानने वेस्ट इंडिजविरुद्धच्या शेवटच्या टी-20 मध्ये पदार्पण केले.

हसरंगाची कोरोना चाचणी पॉझिटिव्ह
ऑस्ट्रेलिया दौऱ्यावर हसरंगाला कोरोना झाला होता आणि त्याचा अहवाल पुन्हा पॉझिटिव्ह आला आहे. हसरंगा अजूनही ऑस्ट्रेलियात क्वारंटाईनमध्ये आहे. त्याला रॉयल चॅलेंजर्स बंगलोर (RCB) ने IPL मेगा लिलावात 10.75 कोटींना खरेदी केले होते आणि भारताविरुद्धच्या T20 मालिकेत त्याची मोठी भूमिका असणार होती.