ऋषभ पंतच्या आरोग्यासाठी सूर्या-कुलदीप-सुंदर पोहोचले महाकालच्या चरणी:भस्म आरतीला होते उपस्थित

भारतीय क्रिकेटपटूंनी सोमवारी उज्जैन येथील महाकालेश्वरला भेट दिली. सूर्य कुमार यादव, कुलदीप यादव आणि वॉशिंग्टन सुंदर यांनी भस्म आरतीला हजेरी लावली. तिथे त्यांनी महाकालाचे पंचामृत पूजनही केले. तिघांनीही त्यांचा सहकारी क्रिकेटपटू ऋषभ पंतला लवकर बरे होण्यासाठी प्रार्थना केली.

भारत आणि न्यूझीलंड यांच्यातील वनडे सामना 24 जानेवारीला इंदूरच्या होळकर स्टेडियमवर होणार आहे. या सामन्यासाठी दोन्ही संघ इंदूरला पोहोचले आहेत. नंतर हे तिन्ही खेळाडू इंदूरहून पहाटे उज्जैनला दर्शनासाठी पोहोचले..

भारतीय क्रिकेटपटूंच्या महाकाल दर्शनाची छायाचित्रे.

नंदी हॉलमध्ये एकत्र बसलेले लोक त्यांना ओळखू शकत नाही

क्रिकेटपटूंनी धोतर-सोला परिधान करून गर्भगृहात जाऊन महाकालाचा पंचामृत अभिषेक केला. त्यांच्यासोबत उज्जैनचे खासदार अनिल फिरोजियाही होते. तिन्ही क्रिकेटपटूंनी महाकाल मंदिरात भस्म आरतीला सामान्य भाविकांप्रमाणे हजेरी लावली. सभामंडपातील नंदीहॉल मध्ये भक्तांसोबतच बसले. त्यावेळी आजूबाजूला बसलेले अनेक भक्तांना त्यांना ओळखता आले नाही. यानंतर तिघांनीही सामान्य भाविकांप्रमाणे गर्भगृहाचे दर्शन घेतले.

महाकालचे दर्शन घेतल्यानंतर सूर्य कुमार यांनी माध्यमांशी संवाद साधला. ते म्हणाले, 'महाकालेश्वरांचे दर्शन घेतल्यामुळे खूप छान वाटले. सुरुवातीपासून शेवटपर्यंत आम्ही आरतीला हजर होतो. दर्शन घेतल्यामुळे मन शांत झाले. मुख्य म्हणजे आम्ही महाकालेश्वरांना ऋषभ पंतला लवकर बरे कर यासाठी प्रार्थना केली. हेच आमच्यासाठी चांगले आहे.

पंत 30 डिसेंबर रोजी कार अपघातात जखमी झाला होता

भारतीय संघाचा स्टार क्रिकेटर ऋषभ पंत 30 डिसेंबर रोजी कार अपघातात जखमी झाला होता. रुरकीजवळ त्यांच्या कारला अपघात झाला. या अपघातात पंत गंभीर जखमी झाले. तो कारने दिल्लीहून रुरकीला जात होता आणि स्वतः गाडी चालवत होता. पंतवर मुंबईतील खासगी रुग्णालयात उपचार सुरू आहेत. शुक्रवारी त्याच्या गुडघ्यावर शस्त्रक्रिया झाली. त्यांच्या प्रकृतीत झपाट्याने सुधारणा होत आहे.