विरूष्काच्या लग्नाला 5 वर्षे पूर्ण:जोडप्याने दिल्या एकमेकांना दिलखुलास शुभेच्छा, फोटो पाहून चाहत्यांनीही केला प्रेमाचा वर्षाव

अनुष्का शर्मा आणि विराट कोहली यांच्या लग्नाला पाच वर्षे पूर्ण झाली आहेत. यानिमित्ताने दोघांनी एकमेकांना अनोख्या वाढदिवसाच्या शुभेच्छा दिल्या आहेत.

विराटने आपल्या लाइफ पार्टनरसोबतचा रोमँटिक फोटो शेअर केला, तर अनुष्काने मीम्स आणि फोटोंसह विराटला अनोख्या पद्धतीने शुभेच्छा दिल्या. कपलच्या एनिव्हर्सरीचे फोटोज खूप चर्चेत आहेत.

अनुष्का शर्माने शेअर केले आहेत खास फोटोज...

अनुष्काने मिळून एकूण 7 फोटो पोस्ट केले असून प्रत्येक फोटोसोबत तिने कॅप्शनही दिले आहे. या स्पेशल पोस्टमध्ये अनुष्काने लिहिले- 'आपले प्रेम साजरे करण्यासाठी आणि सुंदर फोटो पोस्ट करण्यासाठी यापेक्षा चांगला दिवस कोणता असू शकतो? माय लव्ह'

अनुष्काच्या पोस्टवर विराटची प्रतिक्रिया

अनुष्काच्या या पोस्टवर प्रतिक्रिया देताना विराटने लिहिले- 'तुझ्याकडे नक्कीच माझे सर्वोत्तम फोटो आहेत.' अनुष्काने शेअर केलेल्या या फोटोंवर चाहत्यांच्या उत्स्फूर्त प्रतिक्रिया येत आहेत. प्रत्येकजण या जोडप्याला त्यांच्या लग्नाच्या 5 व्या वाढदिवसानिमित्त शुभेच्छा देत आहेत.

विराटने शेअर केला आहे एक रोमँटिक फोटो ...

विराटने त्याच्या सोशल मीडिया हँडलवर स्वतःचा आणि अनुष्काचा एक अतिशय रोमँटिक फोटो शेअर केला आहे, ज्यामध्ये दोघेही एकमेकांचा हात धरताना दिसत आहेत. विराटने पोस्टमध्ये लिहिले- 'अनंतकाळच्या प्रवासाची 5 वर्षे. मी तुला मिळवून खूप भाग्यवान समजतो, तुझ्यावर मनापासून प्रेम करतो.

11 डिसेंबर 2017 रोजी अनुष्का आणि विराट विवाहबंधनात अडकले. अनुष्काने 11 जानेवारी 2021 रोजी वामिका नावाच्या मुलीला जन्म दिला. अनुष्का चकदा एक्स्प्रेसमधून चित्रपटात पुनरागमन करणार आहे, तर विराट हे क्रिकेट जगतात मोठे नाव आहे. दोघेही वर्षानुवर्षे एकमेकांच्या यशाचा आनंद घेत आहेत.