विराट करणार का शतकांचे शतक!:5 वर्षे जुन्या फॉर्ममध्ये परतल्यास 2026 पर्यंत सचिनला टाकू शकतो मागे

टीम इंडियाचा स्टार फलंदाज विराट कोहलीने कसोटी क्रिकेटमधील शतकाचा दुष्काळ संपवला आहे. त्याने 1205 दिवस, 23 सामने आणि 41 डावांनंतर आंतरराष्ट्रीय क्रिकेटच्या प्रदीर्घ फॉरमॅटमध्ये शतक झळकावले आहे. यासह विराटने आंतरराष्ट्रीय क्रिकेटमध्ये 75 शतके ठोकली आहेत.

आता प्रश्न पडतो की काय तो सचिन तेंडुलकरच्या 100 शतकांच्या विक्रमाशी बरोबरी करू शकेल का?. या स्टोरीत तुम्हाला या प्रश्नाचे उत्तर कळेल.

प्रथम विराटच्या 28व्या शतकाचे ब्रेकअप पाहा...

विराट कधीपर्यंत खेळू शकेल

विराटला 100 किंवा त्याहून अधिक शतके झळकावता येण्यासाठी त्याने आणखी काही वर्षे खेळत राहणे आवश्यक आहे. विराटने आतापर्यंत असा कोणताही इशारा दिलेला नाही की, तो क्रिकेटपासून दूर राहण्याचा विचार करत आहे. म्हणजेच तो आता खेळत राहणार यात शंका नाही, पण किती दिवस? फिटनेसच्या बाबतीतही तो टीम इंडियाच्या अनेक युवा स्टार्सपेक्षा चांगल्या स्थितीत आहे. त्याचा दर्जाही असा आहे की जोपर्यंत त्याने स्वत: निवृत्त होण्याचा निर्णय घेतला नाही तोपर्यंत कोणीही त्याची हकालपट्टी करू शकत नाही.

विराट किती काळ खेळत राहणार, याचे उत्तर आम्ही भारतातील काही दिग्गजांच्या कारकिर्दीच्या आलेखातून देण्याचा प्रयत्न केला आहे. सचिन तेंडुलकर वयाच्या 40 व्या वर्षापर्यंत भारताकडून खेळला. राहुल द्रविड वयाच्या 39 व्या वर्षापर्यंत खेळला. महेंद्रसिंग धोनी वयाच्या व्या38 वर्षापर्यंत टीम इंडियाचा एक भाग होता. विराटनेही या दिग्गजांचा मार्ग अवलंबला तर तो 4 ते 5 वर्षे आरामात खेळू शकतो.

आता पुढचा प्रश्न असा पडतो की आणखी 4 ते 5 वर्षे खेळल्यास तो आणखी 25 शतक करू शकेल का? आता त्याच्या नावावर 75 शतके आहेत.

2018 सारखा फॉर्म मिळाला तर शक्य

क्रिकेटच्या तिन्ही फॉरमॅटसह विराटला प्रत्येक शतकासाठी सरासरी 7.33 डाव लागतात. या संदर्भात त्याला 26 शतकांसाठी 190 डावांची आवश्यकता असेल. त्याने आपल्या 16 वर्षांच्या कारकिर्दीत दरवर्षी सरासरी 34 डाव खेळले आहेत. त्यानुसार 190 डावांसाठी त्याला सुमारे साडेपाच वर्षे खेळावे लागणार आहेत. तो आणखी 5 वर्षे खेळू शकतो. मात्र, जर त्याने पाच वर्षांचा जुना फॉर्म परत मिळवला तर तो पुढील तीन वर्षांतच शतके पूर्ण करू शकतो.

विराटने 2017 आणि 2018 या वर्षांसह 99 डावांमध्ये 22 शतके झळकावली होती. म्हणजे प्रत्येक 4.5 डावात 1 शतक. या वेगाने त्याने पुन्हा शतके झळकावण्यास सुरुवात केली तर सुमारे 117 डावांत तो आणखी 26 शतके ठोकेल. म्हणजेच पुढील तीन वर्षांत. सन 2026 पर्यंत. विराट अलीकडे ज्या पद्धतीने फलंदाजी करत आहे, त्यावरून तो 2017-2018 च्या फॉर्ममध्ये परत येत असल्याचे संकेत दिसत आहे.

फॉर्म आणि फिटनेससोबतच ब्रेक घेणेही कमी करावे लागेल.

विराट 100-शतकांचा टप्पा ओलांडतो की नाही हे त्याचा फॉर्म आणि फिटनेस तसेच तो किती ब्रेक घेतो यावर अवलंबून आहे. विराटने गेल्या काही वर्षांत फार मोठ्या प्रमाणात ब्रेक घेतला होता. 1 जानेवारी 2020 पासून भारताने 137 आंतरराष्ट्रीय सामने खेळले आहेत. विराट यापैकी फक्त 86 सामने खेळला. 51 सामन्यात तो गैरहजर होता.

असेही नव्हते की तो अनफिट होता. तो तसाच ब्रेक घ्यायचा. तो अशाप्रकारे अनेक सामने चुकवत राहिला तर शंभर शतके गाठणे कठीण होऊ शकते. हो, जर त्याने T20 सामने एकदा कमी खेळले तरी चालू शकेल. या फॉरमॅटमध्ये त्याने 107 डावात केवळ 1 शतक झळकावले आहे. त्याला वनडे आणि कसोटी सामन्यांमधून विश्रांती घेणे टाळावे लागेल.