आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Cricket
  • Virat Kohli Vs Shakib Hasan; India Bangladesh Match No Ball Controversy, Bangladesh Captain Later Forgot Complaint And Hugged Virat

जेव्हा कोहलीसमोर शांत झाला शाकिब:नो बॉलच्या निर्णयावर संतापला बांगलादेशचा कर्णधार, नंतर तक्रार विसरून विराटला मिठी मारली

स्पोर्ट्स डेस्कएका महिन्यापूर्वी
  • कॉपी लिंक

T-20 विश्वचषकात बुधवारी भारत-बांगलादेश सामना झाला. हा सामना दोन्ही संघांसाठी अत्यंत महत्त्वाचा होता, त्यामुळे वातावरण तापण्याचेही काही क्षण पाहायला मिळाले. अशाच एका प्रसंगात विराटला पाहून बांगलादेशच्या कर्णधाराचा राग शांत झाला.

नेमके काय घडले?

टीम इंडियाच्या डावाच्या 16व्या षटकात बांगलादेशचा गोलंदाज हसन महमूद आला. या षटकातील शेवटचा चेंडू पूर्ण फुलटॉस होता आणि तो कमरेच्या अगदी वर होता. विराट स्ट्राइकवर होता. त्याने बॉल पूल केला आणि नंतर अंपायरकडे बोट दाखवून सांगितले की, तो नो बॉल असावा. अंपायरनेही त्याला नो बॉल म्हटले.

प्रकरण इथेच संपले नाही. विराटने पंचाकडे केलेल्या इशाऱ्यामुळे बांगलादेशचा कर्णधार शकीब अल हसन संतापला. तो रागाने अंपायरकडे गेला. सहसा आक्रमक असणारा विराट इथे वेगळाच दिसला. तो लगेच पंच आणि शाकिब यांच्यामध्ये आला.

कोहलीला पाहून शाकिबचा राग थंडावला आणि दोघांनी एकमेकांना मिठी मारली. मग थोडा वेळ ते बोलले. यानंतर शाकिब क्षेत्ररक्षणावर परतला. कोहलीचे हे वागणे चाहत्यांना खूप आवडले आहे. त्याचा व्हिडिओ सोशल मीडियावर व्हायरल होत आहे.

गौतम म्हणाला- कोहलीने गंभीर व्हावे

भारताचा माजी सलामीवीर गौतम गंभीरला कोहलीचे हे वागणे फारसे पटले नाही. कॉमेंट्रीदरम्यान गौतम म्हणाला– नो बॉल असो वा नसो, त्याचा बॅट्समनशी संबंध नसावा. मैदानावर दोन पंच आणि तिसरे मैदानाबाहेरही असतात. त्यांना ठरवू द्या.

विराट कोहली T20 विश्वचषकात सर्वाधिक धावा करणारा फलंदाज ठरला आहे. त्याने श्रीलंकेचा माजी कर्णधार महेला जयवर्धनेचा विक्रम मोडला आहे. ज्याने 31 सामन्यांत 1016 धावा केल्या.
विराट कोहली T20 विश्वचषकात सर्वाधिक धावा करणारा फलंदाज ठरला आहे. त्याने श्रीलंकेचा माजी कर्णधार महेला जयवर्धनेचा विक्रम मोडला आहे. ज्याने 31 सामन्यांत 1016 धावा केल्या.

विराटचे एक्सप्रेशन्स लाजवाब

सामन्यादरम्यान एक प्रसंग आला जेव्हा कोहलीच्या एक्सप्रेशनचीच जास्त चर्चा झाली. मागच्या काही काळापासून फॉर्मात नसलेल्या केएल राहुलने बांगलादेशविरुद्ध अप्रतिम खेळी केली.

9व्या षटकातील चौथ्या चेंडूवर राहुलने असा षटकार ठोकला की कोहलीलाही आश्चर्याचा धक्का बसला. बांगलादेशचा वेगवान गोलंदाज शरीफुल इस्लामच्या यॉर्करवर राहुलने पॉइंट बाऊंड्रीकडे जोरदार शॉट खेळला आणि तो षटकार होता. हा शॉट थेट स्टँडमध्ये गेला.

या सामन्याच्या एक दिवस आधी नेट सेशनमध्ये कोहली राहुलला काही टिप्स देताना दिसला. इस्लामची ही डिलीव्हरी खूप झटपट आणि ऑफ-स्टंपच्या ओळीत यॉर्करची होती. राहुलने पटकन त्याचा मागचा पाय क्रीझमध्ये खोलवर नेला, फ्लॅशसाठी जागा केली आणि पॉइंट बाऊंड्रीवरून चेंडू स्टँडमध्ये पोहोचला. कोहलीची खास स्टाइल सध्या सोशल मीडियावर व्हायरल होत आहे.

बांगलादेशचा वेगवान गोलंदाज शरीफुल इस्लामच्या यॉर्कर लेन्थ बॉलवर राहुलने षटकार ठोकला.
बांगलादेशचा वेगवान गोलंदाज शरीफुल इस्लामच्या यॉर्कर लेन्थ बॉलवर राहुलने षटकार ठोकला.
या सामन्यात कोहली 'प्लेअर ऑफ द मॅच' ठरला.
या सामन्यात कोहली 'प्लेअर ऑफ द मॅच' ठरला.
बातम्या आणखी आहेत...