"ये तो बस शुरुआत है" WPL चे एंथम:WPL चे अधिकृत गाणे झाले रिलीज, व्हिडिओमध्ये दिसले शेफाली वर्मासह अन्य खेळाडूही

WPL चे अधिकृत गीत अर्थात महिला प्रीमियर लीग 'ये तो बस सुरूवात है' शनिवारी 4 मार्च रोजी लाँच करण्यात आले. BCCI ने ते सुरू केले. BCCI चे सचिव जय शाह आणि WPL ने हे एंथम सोशल मीडियावर पोस्ट केले. शंकर महादेवन, हरदीप कौर आणि नीती मोहन यांनी या गीताला आवाज दिला. तर दीप्ती शर्मा आणि शेफाली वर्मासह अनेक महिला क्रिकेटपटूही या दोन मिनिटांच्या गीताच्या व्हिडिओमध्ये दिसल्या.

'ये तो बस सुरूवात है' हे गीत महिला क्रिकेट आणि काळाबरोबर खेळाच्या प्रगतीबद्दलही बोलते. हे WPL एंथम महिला क्रिकेटचे भावविश्व व्यक्त करत आहे.

शक्ती ही WPL ची शुभंकर आहे

महिला इंडियन प्रीमियर लीगचा शुभंकर वाघिण आहे. तिला शक्ती असे नाव दिले आहे. BCCI सचिव जय यांनी गुरुवारी म्हणजेच 2 मार्च रोजी त्याचे प्रकाशन केले. शक्तीला वाघीणीचे रूप दिले आहे.

आज संध्याकाळी होणार उद्घाटन सोहळा

WPL चा हा पहिला हंगाम आहे. हंगामातील पहिल्या सामन्यापूर्वी सुमारे एक ते दीड तासांचा उद्घाटन सोहळा होणार आहे. शंकर महादेवन, हर्षदीप कौर आणि नीती मोहन यांच्यासह 6 गायक समारंभात संपूर्ण गाणे सादर करतील. मुंबईतील डीवाय पाटील स्टेडियमवर सायंकाळी साडेपाच वाजता हा सोहळा सुरू होईल. बॉलिवूड अभिनेत्री किर्ती सेनेन आणि कियारा अडवाणी देखील यात परफॉर्म करताना दिसणार आहेत. यात हिप-हॉप गायक एपी धिल्लनही परफॉर्म करणार आहे.

गुजरात आणि मुंबई यांच्यात पहिला सामना

WPL चा पहिला सामना गुजरात जायंट्स आणि मुंबई इंडियन्स यांच्यात होणार आहे. हा सामना मुंबईतील डीवाय पाटील स्टेडियमवर होणार आहे. मुंबईची कमान हरमनप्रीत कौरकडे आहे. तर गुजरात संघाची कमान ऑस्ट्रेलियाच्या बेथ मुनीच्या हाती आहे. सामना संध्याकाळी साडेसात वाजता सुरू होईल.

WPL शी संबंधित या बातम्याही वाचा….

महिला प्रीमियर लीगचा आज पहिला सामना: सायंकाळी साडेपाच वाजता उद्घाटन सोहळा; पाहा मुंबई VS गुजरात संघांची प्लेइंग XI

ऐतिहासिक महिला प्रीमियर लीग (WPL) चा पहिला हंगाम आजपासून सुरू होत आहे. पहिला सामना मुंबई इंडियन्स आणि गुजरात जायंट्स यांच्यात मुंबईतील डीवाय पाटील स्टेडियम येथे सायंकाळी साडेसात वाजता खेळला जाईल. त्यापूर्वी, उद्घाटन सोहळा डीवाय पाटील स्टेडियमवर सायंकाळी साडेपाच वाजेपासून सुरू होईल.सविस्तर बातमीसाठी येथे क्लिक करा