आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Cricket
  • Mumbai Set World Record For Biggest Win: Uttarakhand Beat Ranji By 725 Runs In Ranji, Breaking The Record Set In Australia 92 Years Ago

मुंबईने केला सर्वात मोठा विजयाचा विश्वविक्रम:रणजीमध्ये उत्तराखंडचा केला 725 धावांनी पराभव, 92 वर्षांपूर्वी ऑस्ट्रेलियात बनवलेला विक्रम मोडला

21 दिवसांपूर्वी
  • कॉपी लिंक

बुधवारी प्रथम श्रेणी क्रिकेटमध्ये एक नवा विक्रम नोंदवला गेला... धावांच्या बाबतीत सर्वात मोठ्या विजयाचा. रणजी ट्रॉफीच्या उपांत्यपूर्व फेरीत मुंबईने उत्तराखंडचा 725 धावांनी पराभव केला. 1930 मध्ये ऑस्ट्रेलियामध्ये न्यू साउथ वेल्सने क्वीन्सलँडचा 685 धावांनी पराभव केला. म्हणजेच प्रथम श्रेणी क्रिकेटमधील धावांच्या बाबतीत हा आतापर्यंतचा सर्वात मोठा विजय ठरला. तब्बल 92 वर्षांनंतर मुंबईने हा विक्रम मोडला आहे.आम्ही तुम्हाला सांगतो की, प्रथम श्रेणी क्रिकेटमध्ये कसोटी क्रिकेटचाही समावेश होतो.

88 वर्ष जुन्या रणजी स्पर्धेबद्दल बोलायचे झाले तर याआधी सर्वात मोठ्या विजयाचा विक्रम बंगालच्या नावावर होता. बंगालने डिसेंबर 1953 मध्ये ओडिशाचा 540 धावांनी पराभव केला. भारतात खेळल्या गेलेल्या एकूण प्रथम श्रेणी सामन्यांमध्ये सर्वात मोठ्या विजयाचा विक्रम दक्षिण विभागाच्या नावावर आहे. 2011 च्या दुलीप ट्रॉफी सामन्यात दक्षिण विभागाने मध्य विभागाचा 552 धावांनी पराभव केला.

उत्तराखंडला 795 धावांचे लक्ष्य देण्यात आले होते, पण ते 69 पर्यंत बाद झाले

मुंबईने पहिला डाव 647/8 वर घोषित केला. त्यानंतर उत्तराखंडचे फलंदाज 114 धावांवर गारद झाले. 261/3 वर दुसरा डाव घोषित करत संघाने उत्तराखंडला 795 धावांचे लक्ष्य दिले. एवढे मोठे लक्ष्य गाठताना उत्तराखंडचा संघ केवळ 69 धावा करू शकला.

उपांत्यपूर्व फेरीत द्विशतक झळकावणारा मुंबईचा फलंदाज सुवेद पारकर.
उपांत्यपूर्व फेरीत द्विशतक झळकावणारा मुंबईचा फलंदाज सुवेद पारकर.

मुंबईने एक द्विशतक, दोन शतके आणि 4 अर्धशतके झळकावली.

या सामन्यात मुंबईकडून पहिल्या डावात सुवेद पारकरने द्विशतक झळकावले, तर सरफराज खानने 153 धावा केल्या. या डावात अरमान जाफर (60) आणि शम्स मुलानी (59) यांनी अर्धशतके झळकावली. संघाच्या दुसऱ्या डावात सलामीवीर यशस्वी जायसवालने 103, पृथ्वी शॉने 72 आणि आदित्य तरेने 57 धावा केल्या. मुलानी याने या सामन्यात सात विकेट घेतल्या. त्याने पहिल्या डावात 4 तर दुसऱ्या डावात तीन विकेट्स घेतल्या.

MP आणि UP सुद्धा विजयी झाले

टॉप-8 च्या इतर सामन्यांमध्ये, MP आणि UP नेही विजयांची नोंद केली. बेंगळुरूमध्ये मध्य प्रदेशने पंजाबवर दहा गडी राखून विजय मिळवला, तर उत्तर प्रदेशने कर्नाटकवर पाच गडी राखून विजय मिळवला.

शुभम शर्मा (102) ज्याने MP साठी पहिल्या डावात शतक झळकावले.
शुभम शर्मा (102) ज्याने MP साठी पहिल्या डावात शतक झळकावले.

चौथ्या उपांत्यपूर्व फेरीच्या चौथ्या दिवशी बंगाल अजूनही झारखंडवर 530 धावांनी आघाडीवर आहे. वृत्त लिहिपर्यंत झारखंडने नऊ गड्यांच्या मोबदल्यात 243 धावा केल्या आहेत. बंगालने पहिला डाव 773/9 धावांवर घोषित केला.

बातम्या आणखी आहेत...