आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • Sports
  • 'Age Is The Reason To Keep Some One Out Of The Team', Irfan Pathan Indirectly Accuses Mahendra Singh Dhoni

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

धोनीला टोला:'वय हे काहींना संघाबाहेर ठेवण्यासाठीचे कारण असते', इरफान पठाणचा महेंद्र सिंह धोनीला अप्रत्यक्ष टोला

मुंबई4 महिन्यांपूर्वी
  • कॉपी लिंक

भारतीय संघाचा माजी कर्णधार महेंद्र सिंह धोनी काल (दि.10) झालेल्या सनरायझर्स हैदराबाद संघाविरुद्धच्या सामन्यात खूप थकलेला पाहायला मिळाला. अनेकजण धोनीला फिट क्रिकेटर मानतात, पण कालच्या सामन्यात धोनीला एक-एक धाव घेण्यासाठी मोठा संघर्ष करावा लागत असल्याचे पाहायला मिळाले. यावरुन भारताचा माजी गोलंदाज इरफान पठाण याने धोनीवर अप्रत्यक्ष टोला लगावला आहे.

काल चेन्नई आणि हैदराबादमध्ये झालेल्या सामन्यात हैदराबादने चेन्नईचा पराभव केला. सामन्यात धोनीने 36 चेंडूत 47 धावा काढल्या खऱ्या पण, त्या धावा करताना धोनीची खूपच दमछाक झालेली पाहायला मिळाले. धोनीसारखा बेस्ट मॅच फिनिशर मैदानात असूनही चेन्नईच्या संघाला 165 धावांचे लक्ष्य गाठता आले नाही. दरम्यान, टीम इंडियाचा माजी खेळाडू इरफान पठाणने एक ट्वीट करुन नाव न घेता महेंद्रसिंह धोनीवर निशाणा साधला आहे. इरफानने ट्वीट केले की, 'काही लोकांसाठी वय हा केवळ एक आकडा असतो, तर काहींसाठी संघाबाहेर ठेवण्याचे कारण.'

इरफानच्या ट्वीटमध्ये महेंद्र सिंह धोनीचे नाव नसले, तरी कालच्या सामन्यात धोनीच्या परिस्थितीवरुन इरफानने धोनीला टार्गेट केल्याची चर्चा आहे. इरफानच्या पोस्टवर तशा कमेंट्सही पाहायला मिळत आहेत. काहींनी इरफानचे समर्थन केले तर धोनीच्या चाहत्यांनी धोनीची बाजू मांडली आहे.

Open Divya Marathi in...
  • Divya Marathi App
  • BrowserBrowser