आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Former Australia Captain Mark Taylor's Prediction: Sachin Tendulkar's Record Could Be Broken As Root Reaches 10,000 Against New Zealand

माजी ऑस्ट्रेलियन कर्णधार मार्क टेलरचे भाकीत:सचिन तेंडुलकरचा विक्रम मोडू शकतो जो रूट, न्यूझीलंडविरुद्ध गाठला आहे 10,000 चा टप्पा

एका महिन्यापूर्वी
  • कॉपी लिंक

ऑस्ट्रेलियाचा माजी कर्णधार मार्क टेलरने जो रूटबद्दल मोठी भविष्यवाणी केली आहे. इंग्लंडचा माजी कर्णधार जो रूट कसोटी क्रिकेटमध्ये सर्वाधिक धावा करण्याचा विक्रम मोडू शकतो, असे टेलरने म्हटले आहे.

लॉर्ड्सवरील पहिल्या कसोटीत यजमान इंग्लंडने न्यूझीलंडवर पाच गडी राखून विजय मिळवल्यानंतर हे वक्तव्य आले आहे. या सामन्यात रूटने (115) शतक केले.

या ऑस्ट्रेलियन दिग्गजाने स्काय स्पोर्ट्सला सांगितले- 'रूटमध्ये किमान आणखी किमान पाच वर्षे खेळू शकतो., त्यामुळे मला असे वाटते की त्याला तेंडुलकरचा विक्रम गाठता येईल. रुट सातत्याने चांगली फलंदाजी करत आहे जसे मी त्याला 18 महिने किंवा दोन वर्षे फलंदाजी करताना पाहिले आहे. तो त्याच्या कारकिर्दीच्या शीर्षस्थानी आहे, त्यामुळे जर तो निरोगी राहिला तर तो 15,000 हून अधिक धावा करू शकतो.

रुटने गाठला आहे 10 हजार धावांचा टप्पा

जो रूटने पहिल्या कसोटीत 170 चेंडूत 115 धावा केल्या होत्या. त्याने कसोटी क्रिकेटमध्ये 10,000 धावांचा टप्पा पूर्ण केला आहे. 10 हजार 3 चा टप्पा गाठणारा तो दुसरा इंग्लिश फलंदाज ठरला आहे. त्याच्याआधी एलिस्टर कूकने (12,472 धावा) अशी कामगिरी केली आहे. रूट हा जगातील 14वा दहा हजारी फलंदाज आहे. यामध्ये तीन भारतीयांचा (सचिन तेंडुलकर, राहुल द्रविड आणि सुनील गावस्कर) समावेश आहे. कसोटी क्रिकेटमध्ये 10,000 धावांचा टप्पा गाठणारा तो संयुक्तपणे सर्वात तरुण खेळाडू आहे. रूट आणि त्याचा देशबांधव एलिस्टर कुक या दोघांनी 31 वर्षे 157 दिवसांत दहा हजार धावांचा टप्पा गाठला.

सचिन तेंडुलकरचा हा विक्रम आहे

कसोटी क्रिकेटमध्ये सर्वाधिक धावा करण्याचा विक्रम सचिन तेंडुलकरच्या नावावर आहे. तेंडुलकरने 200 कसोटी सामन्यांमध्ये 15,921 धावा करत आपली कसोटी कारकीर्द संपवली. रूट व्यतिरिक्त, कोणत्याही सक्रिय आंतरराष्ट्रीय क्रिकेटपटूने 10,000 कसोटी धावा केल्या नाहीत.

इंग्लंडने हा सामना पाच गडी राखून जिंकला

यजमान इंग्लिश संघाने न्यूझीलंडवर कसोटीचा सामना पाच गडी राखून जिंकला. 277 धावांचे लक्ष्य त्यांनी शेवटच्या डावात पाच गडी राखून पूर्ण केले. तत्पूर्वी, न्यूझीलंडने दुसऱ्या डावात 285 धावा केल्या होत्या. किवींच्या 132 धावांच्या प्रत्युत्तरात इंग्लंडने पहिल्या डावात 141 धावा केल्यानंतर 9 धावांची आघाडी घेतली.

बातम्या आणखी आहेत...