राष्ट्रकुल स्पर्धेत भारताला आज 3 पदके:टेबल टेनिसमध्ये पुरुष आणि महिला लॉन बॉलने जिंकले सुवर्ण, वेटलिफ्टिंगमध्ये विकासला रौप्यपदक

राष्ट्रकुल क्रीडा स्पर्धेत भारताने पाचवे सुवर्ण जिंकले आहे. टेबल टेनिसमध्ये भारताने सिंगापूरचा 3-1 असा पराभव केला. जी साथियान, हरमीत देसाई यांनी आपापल्या एकेरी सामने जिंकले तसेच दोन्ही खेळाडूंनी जोडीदार म्हणून दुहेरीचे सामनेही जिंकले. भारताच्या विकास ठाकूरने वेटलिफ्टिंगच्या पुरुषांच्या 96 किलो गटात रौप्यपदक पटकावले आहे. यासह 2022 च्या राष्ट्रकुलमध्ये भारताच्या खात्यात 12 पदके झाले आहेत.

भारतीय महिलांनी रचला इतिहास
पाचव्या दिवशी, भारताने महिला लॉन बॉल्सच्या अंतिम सामन्यात दक्षिण आफ्रिकेचा 17-10 असा पराभव करून सुवर्णपदक जिंकले.

राष्ट्रकुल क्रीडा स्पर्धेच्या 92 वर्षांच्या इतिहासात प्रथमच भारतीय लॉन बॉल्स महिला संघाने पदक जिंकले आहे. लवली चौबे, पिंकी, नयनमोनी सैकिया आणि रूपा राणी टिर्की या भारतीय खेळाडूंनी सामन्यात चमकदार कामगिरी केली. कॉमनवेल्थ गेम्स 1930 मध्ये सुरू झाले. लॉन बॉल हा पहिल्याच स्पर्धेपासून राष्ट्रकुलचा भाग आहे, परंतु भारतीय महिला संघाला त्यात कधीही पदक जिंकता आले नव्हते.

नवी दिल्ली येथे 2010 च्या राष्ट्रकुल क्रीडा स्पर्धेत भारतीय पुरुष आणि महिला संघ प्रथमच लॉन बॉलसाठी पात्र ठरले होते.

श्रीशंकर मुरली आणि मोहम्मद अनीस अंतिम फेरीत
भारतीय लॉन्ग जंपर श्रीशंकर मुरली आणि मोहम्मद अनीस हे अंतिम फेरीसाठी पात्र ठरले आहेत. तसेच शॉटपुट महिलांमध्येही मनप्रीतने पदक फेरी गाठली आहे.पुरुषांच्या लांब उडी स्पर्धेच्या पात्रता फेरीत केरळच्या श्रीशंकरने पहिल्या उडीत 8.05 मीटर उडी मारून अंतिम फेरीत प्रवेश केला आहे. त्याच वेळी, मोहम्मद अनीसने 7.68 मीटरच्या उडीसह 8 वे स्थान मिळवून अंतिम फेरीसाठी पात्रता मिळवली. तसेच शॉटपुटर मनप्रीतने 16.98 मीटरसह 7वे स्थान पटकावले. दुसरीकडे, महिलांच्या चार स्पर्धेच्या अंतिम फेरीत भारतीय महिला संघ दक्षिण आफ्रिकेवर 8-2 ने आघाडीवर आहे.

वेटलिफ्टिंग: पूनम यादवचे पदक हुकले, गेल्या वेळी सुवर्ण जिंकले होते
भारतीय वेटलिफ्टर पूनम यादव महिलांच्या 76 किलो वजनी गटात पदक जिंकण्यापासून वंचित राहिली. तिने स्नॅचमध्ये 98 किलो वजन उचलले. मात्र, तीन क्लीन अँड जर्क प्रयत्नांत तिला एकदाही 116 किलो वजन उचलता आले नाही.

2018 च्या राष्ट्रकुल क्रीडा स्पर्धेत पूनम सुवर्णपदक विजेती होती आणि यावेळीही तिच्याकडून सुवर्णपदक जिंकण्याची अपेक्षा होती. क्लीन अँड जर्कच्या तिसऱ्या प्रयत्नात पूनमने वजन उचलले. पण, रेफरीच्या संकेतापूर्वी त्याने बारबेल खाली ठेवला आणि तिची लिफ्ट अपात्र ठरली. भारतीय संघानेही रेफ्रींच्या निर्णयाला आव्हान दिले होते पण खेळ ज्युरींनी तो फेटाळून लावला.

अद्वैत पागे 4:10 वाजता एक्वाटिक्स स्विमिंग आणि पॅरा स्विमिंगमध्ये पुरुषांच्या 1500 मीटर फ्रीस्टाइल प्रकारात प्रवेश करेल. सायंकाळी साडेपाच वाजता आर्टिस्टिक जिम्नॅस्टिक्सच्या पुरुषांच्या व्हॉल्ट फायनलमध्ये सत्यजित मंडलचा सामना होईल. पुरुष 96 किलो सर्व गट विकास ठाकूर वेटलिफ्टिंगमध्ये संध्याकाळी 6:30 वाजता खेळेल.

मिशन बर्मिंगहॅमसाठी भारतीय कुस्तीपटू टीम रवाना

कॉमनवेल्थ गेम्समध्ये सहभागी होण्यासाठी भारतीय कुस्ती संघ मंगळवारी बर्मिंगहॅमला रवाना झाला. SAI ने संघ रवाना होण्यापूर्वीचा एक फोटो पोस्ट केला आहे.

चौथ्या दिवशी भारताचे वर्चस्व राहिले

राष्ट्रकुल क्रीडा स्पर्धेच्या चौथ्या दिवशी भारताने चमकदार कामगिरी केली. बॉक्सिंगमध्ये अमित पंघालने 51 किलो वजनी गटात चमकदार कामगिरी करत वानुआटूच्या नम्री बेरीचा 5-0 असा पराभव करून उपांत्यपूर्व फेरीत प्रवेश केला. त्याचबरोबर भारतीय महिला संघाने लॉन बॉलमध्ये इतिहास रचला आहे.

हा संघ प्रथमच राष्ट्रकुल स्पर्धेच्या अंतिम फेरीत पोहोचला आहे. 1930 पासून कॉमनवेल्थ गेम्समध्ये लॉन बॉल खेळले जात आहेत, मात्र आजपर्यंत टीम इंडियाला अंतिम फेरी गाठता आलेली नाही. भारताने उपांत्य फेरीत न्यूझीलंडचा पराभव केला. आता अंतिम फेरीत दक्षिण आफ्रिकेचा सामना होणार आहे.

भारताचा अजय सिंह वेटलिफ्टिंगच्या पुरुषांच्या 81 किलो वजनी गटात पदक जिंकण्यापासून वंचित राहिला आहे. त्याने स्नॅच आणि क्लीन अँड जर्कमध्ये 319 किलो वजन उचलले आणि चौथे स्थान पटकावले. इंग्लंडच्या ख्रिस मरेने (325 किलोग्रॅम) क्रीडा विक्रमासह सुवर्णपदक जिंकले.

अजयने स्नॅचच्या पहिल्या प्रयत्नात 138 किलो, दुसऱ्या प्रयत्नात 140 किलो आणि तिसऱ्या प्रयत्नात 143 किलो वजन उचलले. त्याचबरोबर त्याने क्लीन अँड जर्कमध्ये 172 आणि 176 किलो वजन उचलले.मात्र तिसरा प्रयत्न फसला.

कॉमनवेल्थ गेम्समध्ये आज भारतीय खेळाडूंच्या प्रमुख घटना