आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Depression In Sports| How Sachin Tendulkar Dealt With Depression, Sachin Tendulkar, Ben Stokes And Depression In Sports Latest News And Updates

स्पोर्ट्समध्ये डिप्रेशन ब्रेक:डिप्रेशनमध्ये बेन स्टोक्ससह खेळाडू घेत आहेत तात्पुरती विश्रांती, नैराश्याचा सामना करताना सचिनने घेतला नव्हता ब्रेक!

4 महिन्यांपूर्वी
  • कॉपी लिंक

नैराश्य आज एक सामान्य समस्या बनत चालली आहे. केवळ सामान्य लोकच नव्हे तर सर्व खेळाडू देखील याला बळी पडताना दिसत आहेत. ही समस्या नवीन नाही, मात्र या समस्येकडे आता गांभीर्याने लक्ष दिले जात आहे. परिणामी, अनेक खेळाडू आता मानसिक आरोग्यासाठी ब्रेक घेत आहेत. अलीकडेच बेन स्टोक्सनेही हेच कारण देत अनिश्चित काळासाठी ब्रेक घेतला.

त्याचवेळी, नुकत्याच पार पडलेल्या टोक्यो ऑलिम्पिकमध्येही अमेरिकन जिम्नॅस्ट सिमोन बाइल्सने देखील मानसिक दबावाशी संबंधित समस्यांमुळे अंतिम फेरीतून माघार घेण्याचा निर्णय घेतला होता.

पण खेळाडूंनी असे ब्रेक घेणे योग्य आहे का? त्याच्या उत्तम क्रिकेट कारकिर्दीत, सचिन तेंडुलकर सारखा दिग्गज खेळाडूने बाहेर येऊन प्रतिक्रिया दिलीय त्याने आपला अर्धा काळ नैराश्यात घालवला, पण तरीही त्याने खेळणे कधीच थांबवले नाही.

सचिन रात्री उशिरापर्यंत झोपू शकत नव्हता
आंतरराष्ट्रीय स्तरावर शतक झळकावणाऱ्या सचिन तेंडुलकरने इंडियन एक्सप्रेसशी बोलताना सांगितले की, 'कालांतराने मला समजले की खेळासाठी शारीरिक तयारी करण्याबरोबरच तुम्हाला स्वतःला मानसिकदृष्ट्या तयार करावे लागेल. माझ्या मनात मैदानात शिरण्याआधीच सामना सुरू व्हायचा. तणावाची पातळी खूप जास्त होती.

तो पुढे म्हणाला, 'मला 10-12 वर्षे तणाव जाणवत होता. सामन्यापूर्वी असे काही वेळा होते जेव्हा मला रात्री झोप येत नव्हती. नंतर मी माझ्या तयारीचा एक भाग आहे हे स्वीकारण्यास सुरुवात केली. कालांतराने, मी स्वीकारले की मला रात्री झोपताना त्रास होतो. माझे मन शांत राहण्यासाठी मी दुसरे काहीतरी करत होतो.

'मी मॅचच्या एक दिवस आधी माझी बॅग तयार करायचो'
200 कसोटी सामने खेळणारा जगातील एकमेव खेळाडू सचिन तेंडुलकर म्हणाला, 'मीही सामन्यापूर्वी चहा करून, कपड्यांना इस्त्री करून खेळासाठी स्वतःला तयार करायचो. माझ्या भावाने मला हे सर्व शिकवले, मी मॅचच्या एक दिवस आधी माझी बॅग तयार करायचो आणि ती सवय झाली. मी भारतासाठी माझ्या शेवटच्या सामन्यातही तेच केले.

सचिन तेंडुलकरने त्याच्यावर ताण हावी होऊ दिला नाही, पण सध्याच्या काळातील अनेक खेळाडू नैराश्यामुळे क्रिकेट किंवा इतर खेळातून अनिश्चित काळासाठी विश्रांती घेत आहेत. याचे ताजे उदाहरण म्हणजे इंग्लंड क्रिकेट संघाचे स्टार अष्टपैलू बेन स्टोक्स आहे. भारताविरुद्धची कसोटी मालिका सुरू होण्यापूर्वी नैराश्यामुळे स्टोक्सने क्रिकेटपासून थोडा वेळ घेतला. बेन स्टोक्सच्या आधी ऑस्ट्रेलियाच्या ग्लेन मॅक्सवेलनेही नैराश्यामुळे क्रिकेटमधून लांब ब्रेक घेतला.

नुकत्याच झालेल्या टोकियो ऑलिम्पिकमध्येही अमेरिकन जिम्नॅस्ट सिमोन बाइल्सने मानसिक ताण समस्येमुळे अंतिम फेरीतून बाहेर पडण्याचा निर्णय घेतला होता.

असे बरेच खेळाडू आहेत जे तणावामुळे एकतर ब्रेकवर गेले किंवा खेळापासून स्वतःला दूप ठेवले. यामागचे सर्वात मोठे कारण म्हणजे सातत्याने खेळल्या जाणाऱ्या स्पर्धा असे मानले जाऊ शकते. त्याचबरोबर, अनेक खेळाडू बायो बबलचा थकवा टाळण्यासाठी खेळापासून अंतरही ठेवत आहेत.

बातम्या आणखी आहेत...