आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • It Is Difficult For Umran Malik To Get A Chance: Find Out What India's Potential Playing XI Will Be Against South Africa

उमरान मलिकला संधी मिळणे कठीण:दक्षिण आफ्रिकेविरुद्ध भारताची काय असणार संभाव्य प्लेइंग इलेव्हन ते जाणून घ्या

एका महिन्यापूर्वी
  • कॉपी लिंक

टीम इंडिया जेव्हा दक्षिण आफ्रिकेविरुद्ध 5 सामन्यांची होम टी-20 मालिका खेळायला जाईल तेव्हा ती एका नव्या अवतारात दिसणार आहे. या मालिकेसाठी BCCI ने निवडलेल्या 18 जणांच्या संघात बहुतांश वरिष्ठ खेळाडूंना विश्रांती देण्यात आली असून युवा चेहऱ्यांचा समावेश करण्यात आला आहे. विराट कोहली, रोहित शर्मा, जसप्रीत बुमराह आणि रवींद्र जडेजासारखे प्रमुख खेळाडू या मालिकेचा भाग नाहीत. त्यांच्या जागी IPL मध्ये उत्कृष्ट खेळाचे प्रदर्शन करणाऱ्या खेळाडूंना बोर्डाने संधी दिली आहे.

रोहित शर्माच्या अनुपस्थितीत केएल राहुलकडे संघाचे कर्णधारपद सोपवण्यात आले आहे, तर ऋषभ पंत उपकर्णधार असेल. एवढ्या मोठ्या संघातून प्लेइंग इलेव्हन निवडणे कर्णधार राहुल आणि संघ व्यवस्थापनासाठी सोपे जाणार नाही.सलग 13 टी-20 सामने जिंकून विश्वविक्रम करण्याची संधी आहे.त्यामुळे उमरान किंवा अर्शदीपला पदार्पणाची संधी मिळणे कठीण जात आहे.

दक्षिण आफ्रिकेविरुद्धच्या सुरुवातीच्या सामन्यांसाठी टीम इंडियाची प्लेइंग इलेव्हन काय असू शकते ते जाणून घेऊया-

केएल राहुल आणि ऋतुराज गायकवाड असणार सलामीला

दक्षिण आफ्रिकेविरुद्धच्या मालिकेसाठी निवडण्यात आलेल्या संघातील बहुतांश फलंदाज हे संघासाठी आघाडीच्या फळीत फलंदाजी करण्यास सक्षम आहेत. कर्णधार केएल राहुल संघासाठी सलामी करताना दिसणार असून ऋतुराज गायकवाड किंवा इशान किशन त्याच्यासोबत असू शकतात. IPL-15 मध्ये, इशान किशन आणि गायकवाड या दोघांनीही चांगली कामगिरी केली होती, पण उजव्या हाताच्या-डाव्या हाताच्या संयोजनाचा विचार करता, संघ व्यवस्थापन इशान किशनला राहुलसोबत सलामीला आणू शकते.

श्रेयस अय्यर संघासाठी तिसऱ्या क्रमांकावर येण्याची खात्री आहे आणि कोहलीच्या अनुपस्थितीत संघाकडे फारसे पर्याय नाहीत. IPL-15 मध्ये कोलकाताचे नेतृत्व करणाऱ्या अय्यरने 14 सामन्यात 134.56 च्या स्ट्राइक रेटने 401 धावा केल्या. नोव्‍हेंबरमध्‍ये होणार्‍या विश्‍वचषक स्पर्धेमुळे अय्यरसाठी स्‍वत:ला सिद्ध करण्‍याची ही मोठी संधी असून तो गमावू इच्छित नाही.

मिडल ऑर्डरची मजबूत फळी

ऋषभ पंत, दिनेश कार्तिक आणि हार्दिक पंड्यामुळे संघाची मधली फळी बऱ्यापैकी स्थिरावलेली दिसते. उपकर्णधार ऋषभ पंत चौथ्या क्रमांकावर, दिनेश कार्तिक पाचव्या क्रमांकावर आणि हार्दिक पंड्या सहाव्या क्रमांकावर खेळताना दिसतो. पंड्या आणि कार्तिकने IPL-15 मध्ये जबरदस्त फॉर्म दाखवला आहे. ऋषभ पंतनेही IPL मधील अनेक डावांमध्ये चांगली सुरुवात केली पण त्याला मोठ्या धावसंख्येमध्ये रूपांतर करता आले नाही. अशा स्थितीत त्याला या मालिकेत मोठी खेळी खेळण्याची संधी आहे.

जर संघ अतिरिक्त अष्टपैलू खेळाडूसह गेला तर अक्षर पटेल हा सातव्या क्रमांकावर चांगला पर्याय ठरू शकतो.

गोलंदाजीचा कमी अनुभव पण IPL मध्ये दिसले टॅलेंट

वेगवान गोलंदाजीमध्ये, शीर्ष फळी आणि मधल्या फळीच्या तुलनेत भारतीय कॅम्प खूपच अननुभवी दिसत आहे. तथापि, वेगवान आक्रमणाचे नेतृत्व करण्यासाठी संघाकडे भुवनेश्वर कुमार हा अनुभवी गोलंदाज आहे आणि तो खेळेल याची खात्री आहे. न्यूझीलंड, श्रीलंका आणि वेस्ट इंडिजविरुद्ध चमकदार खेळ करणारा हर्षल पटेलही खेळण्याची शक्यता आहे. आवेश खानही सुरुवातीच्या सामन्यांमध्ये खेळू शकतो. या संघात स्पीड गन उमरान मलिक आणि यॉर्कर स्पेशालिस्ट अर्शदीप देखील आहेत, परंतु सुरुवातीच्या सामन्यांमध्ये ते संघाचा भाग नसतील असे दिसते..

स्पिनर्स विभागात, संघात रवी बिश्नोई, कुलदीप यादव आणि युझवेंद्र चहल आहेत, ज्यांनी IPL-15 मध्ये पर्पल कॅप जिंकली होती. चहल खेळणार याची खात्री आहे. जर संघ दक्षिण आफ्रिकेविरुद्ध अतिरिक्त फिरकीपटू घेऊन गेला, तर कुलदीपलाही वेगवान गोलंदाजाच्या जागी खेळताना पाहता येईल.

दक्षिण आफ्रिका मालिकेतील सुरुवातीच्या सामन्यांसाठी टीम इंडियाची संभाव्य प्लेइंग इलेव्हन

केएल राहुल (कर्णधार), इशान किशन, श्रेयस अय्यर, ऋषभ पंत, दिनेश कार्तिक, हार्दिक पंड्या, अक्षर पटेल, भुवनेश्वर कुमार, हर्षल पटेल, युझवेंद्र चहल, आवेश खान/कुलदीप यादव

नोव्हेंबरमध्ये होणाऱ्या T20 विश्वचषकाच्या पार्श्वभूमीवर ही मालिका भारतासाठी आपली बेंच स्ट्रेंथ तपासण्याची चांगली संधी आहे. अशा परिस्थितीत संघाने सलामीचा सामना जिंकला तर अनेक युवा खेळाडू या मालिकेत पदार्पण करू शकतात.

बातम्या आणखी आहेत...