आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Event Of Future Champions Begins: 8500+ Players Participate In Khelo India, Star Players Like Manu Bhakar Saurabh Chaudhary Found Here

भविष्यातील चॅम्पियन्सचा इव्‍हेंट सुरू:खेलो इंडियामध्‍ये 8500+ खेळाडूंचा सहभाग, मनू भाकर-सौरभ चौधरी यांसारखे स्टारखेळाडू मिळाले येथूनच

एका महिन्यापूर्वी
  • कॉपी लिंक

खेलो इंडिया युथ गेम्स, देशाला डझनाहून अधिक वर्ल्ड चॅम्पियन्स देणारा कार्यक्रम सुरू झाला आहे. या खेळांच्या चौथ्या आवृत्तीचे यजमानपद हरियाणामध्ये आहे. खेळाडूंच्या संख्येच्या दृष्टीने ही देशातील दुसरी सर्वात मोठी स्पर्धा आहे. 13 जूनपर्यंत चालणाऱ्या या बहु-क्रीडा स्पर्धेत 8,500 हून अधिक खेळाडू, प्रशिक्षक आणि तांत्रिक सहाय्यक कर्मचारी सहभागी होत आहेत. देशातील पाच वेगवेगळ्या केंद्रांवर या कार्यक्रमाचे आयोजन केले जात आहेत.

हरियाणाने कबड्डीमध्ये तामिळनाडूचा 45-35 असा पराभव करत विजयाने सुरुवात केली.
हरियाणाने कबड्डीमध्ये तामिळनाडूचा 45-35 असा पराभव करत विजयाने सुरुवात केली.

‘खेलो इंडिया युथ गेम्स’ म्हणजे काय?

राष्ट्रीय खेळांच्या धर्तीवर दरवर्षी आयोजित केला जाणारा हा बहु क्रीडा स्पर्धा आहे. 22 वर्षांखालील खेळाडू यात भाग घेतात.

या खेळांच्या स्पर्धेचे महत्व का आहे?

या खेळांमध्ये देशभरातील युवा खेळाडू सहभागी होतात. खेलो इंडिया युथ गेम्सने आतापर्यंत मनू भाकर, सौरभ चौधरी, मेहुली घोष, हिमा दास, उन्नती हुडा, श्रीहरी नटराज, अक्षरी कश्यप यांसारखे चॅम्पियन खेळाडू दिले आहेत, ज्यांनी नंतर एशियाड, राष्ट्रकुल सारख्या जागतिक दर्जाच्या स्पर्धांमध्ये देशासाठी पदके जिंकली आहेत.

कोणत्या खेळांचा समावेश आहे?

ऑलिम्पिक खेळ: तिरंदाजी, ऍथलेटिक्स, बॅडमिंटन, बास्केटबॉल, बॉक्सिंग, सायकलिंग, फुटबॉल, जिम्नॅस्टिक्स, हॉकी, ज्युडो, नेमबाजी, जलतरण, टेनिस, टेबल टेनिस, व्हॉलीबॉल, वेट लिफ्टिंग, कुस्ती.

ऑलिंपिकेतर खेळ: गतका, हँडबॉल, कबड्डी, कलारीयपट्टू, खो-खो, मलखांब, थांगा आणि योग.

किती खेळाडू खेळत आहेत?

पंचकुलामध्ये 4,700 हून अधिक खेळाडू सहभागी होत आहेत. उर्वरित खेळाडू इतर केंद्रांवर पदकांसाठी स्पर्धा करतील.

पंचकुला व्यतिरिक्त कुठे कुठे कार्यक्रम होत आहेत?

चंदीगड, अंबाला, शाहबाद आणि दिल्ली.

किती पदके पणाला लागली आहेत?

या खेळांमध्ये एकूण 1,866 पदकांचा समावेश आहे. यामध्ये 545 सुवर्ण, 545 रौप्य आणि 776 कांस्यपदकांचा समावेश आहे. हा खेलो इंडिया योजनेचा एक भाग आहे. 2028 आणि 2032 च्या ऑलिम्पिक स्पर्धेत भारताला पदकतालिकेत अव्वल 10 मध्ये आणणे हे त्यांचे उद्दिष्ट आहे. यापूर्वी ते खेलो इंडिया स्कूल गेम्स म्हणून सुरू करण्यात आले होते. पुढे त्याचे नामकरण खेलो इंडिया युथ गेम्स असे करण्यात आले.

या खेळांमध्ये खेळण्यासाठी कोणते निकष आहेत?

साधारणपणे भारतीय SGFI स्कूल गेम्स फेडरेशनच्या राष्ट्रीय स्पर्धा आणि ओपन नॅशनलमधील टॉप-8 खेळाडू सहभागी होत असत, परंतु यावेळी कोरोनामुळे खेळांच्या आयोजकांनी सर्व खेळांचे राष्ट्रीय महासंघाकडून क्रमवारीच्या आधारे टॉप-8 खेळाडूंना प्रवेशाचे आमंत्रण दिले. कारण कोरोनामुळे अनेक स्पर्धा होऊ शकल्या नाहीत.

बातम्या आणखी आहेत...