कराटे स्पर्धा:यजमान औरंगाबादचा संघ तिसऱ्यास्थानी

राज्यस्तरीय बालगट कराटे स्पर्धेत पिंपरी-चिंचवडच्या संघाने उत्कृष्ट कामगिरी करत विजेतेपद पटकावले. नागपूर शहर संघ उपविजेता ठरला. यजमान औरंगाबादच्या संघाला तिसऱ्या क्रमांकावर समाधान मानावे लागले. विभागीय क्रीडा संकुल येथे झालेल्या स्पर्धेत ७०० खेळाडूंनी सहभाग नोंदवला होता.

या स्पर्धेतील विजेत्या खेळाडूंची ३ व ४ डिसेंबरदरम्यान तालकटोरा स्टेडियम, दिल्ली येथे होणाऱ्या राष्ट्रीय अजिंक्यपद कराटे स्पर्धेसाठी महाराष्ट्राच्या संघात निवड झाली आहे. विजेत्या खेळाडूंना मान्यवरांच्या हस्ते पदक व प्रमाणपत्र प्रदान करण्यात आले. स्पर्धेच्या बक्षीस वितरणप्रसंगी राज्य संघटनेचे अध्यक्ष सलाउद्दीन अन्सारी, सचिव संदीप गाडे, जिल्हा क्रीडा अधिकारी चंद्रशेखर घुगे, माजी नगरसेवक प्रमोद राठोड, अ‍ॅड. रेणुका घुले, शहर अध्यक्ष अरुण भोसले, सचिव मुकेश बनकर, जिल्हा अध्यक्ष कैलास जाधव, सचिव बळीराम राठोड यांची उपस्थिती होती.

अर्थव, समर्थ चमकले सुवर्ण - शाश्वत मेहेर (नागपूर), स्वीकार्य शानवारे (वर्धा), इनोश पवार (पिंपरी-चिंचवड), ईशान ढेपे (सोलापूर), ईशान शेट्टी (पालघर), उमर खान (पुणे), श्रीअंश सातपुते, ओम भराटे, प्रणय जंजाळे, समर्थ शहाणे, अथर्व जाधव (औरंगाबाद), स्पर्श वर्मा (सोलापूर), अनुज नारकर (मुंबई), मुली - मीराया गुप्ता (ठाणे), पुष्टी जोगी (पालघर), अक्षरा थोरात, प्राची तारू (औरंगाबाद), सोजल काळे (पिंपरी-चिंचवड), पहेल दबडे (नागपूर), वेदिका सोळुंके (अमरावती), एस. माने (सातारा).