बांगलादेशाकडून एकही कसोटी भारताने गमावलेली नाही:उद्यापासून दोन सामन्यांची मालिका, जाणून घ्या- दोन्ही संघांची संभाव्य प्लेइंग-11

भारत आणि बांगलादेश यांच्यातील 2 कसोटी मालिका 14 डिसेंबरपासून म्हणजेच उद्यापासून सुरू होत आहे. वर्ल्ड टेस्ट चॅम्पियनशिप (WTC) नुसार हे दोन्ही सामने भारतासाठी खूप महत्त्वाचे आहेत.

कारण, एकदिवसीय मालिकेतील 2-1 अशा पराभवानंतर टीम इंडिया आक्रमक पध्दतीचा अवलंब करेल आणि कसोटी मालिका जिंकून बांगलादेशकडून बदला घेण्याची तयारी करित आहे. भारतासाठी सर्वात चांगली गोष्ट म्हणजे या फॉरमॅटमध्ये भारताने बांगलादेशविरुद्ध 22 वर्षात एकही सामना गमावलेला नाही.

मालिका जिंकल्यास भारत गुणतालिकेत दुसऱ्या स्थानावर

भारताने मालिका 2-0 ने जिंकल्यास WTC गुणतालिकेत भारत दुसऱ्या स्थानावर जाऊ शकते. त्याचबरोबर बांगलादेशला भारताच्या ऋषभ पंत आणि रविचंद्रन अश्विनसारख्या खेळाडूंना टाळावे लागणार आहे. आम्ही तुम्हाला पहिल्या कसोटीसाठी टीम इंडीयाची रणनीती आणि दोन्ही संघाच्या संभाव्य प्लेइंग-11बद्दल सांगणार आहोत. कसोटी मालिका जिंकल्यास भारत WTC फायनलमध्ये प्रवेश करण्याच्या जवळ कसा जाऊ शकतो, हे देखील सांगणार आहोत. चला तर जाणून घेऊया...

सर्वप्रथम, ग्राफिकमध्ये पाहा भारत आणि बांगलादेशातील आतापर्यंत झालेल्या 11 कसोटी सामन्यांचे निकाल

भारताचा सर्व कसोटी सामन्यात वरचष्मा
दोन्ही देशांमध्ये आतापर्यंत 11 कसोटी सामने खेळले गेले आहेत. 9 भारत जिंकले आणि 2 सामने अनिर्णित राहिले. बांगलादेशचा संघ भारताविरुद्ध एकही कसोटी जिंकू शकला नाही. भारताने त्यांना 9 पैकी 5 वेळा डावाच्या फरकाने पराभूत केले आहे. 2 वेळा 9 पेक्षा जास्त विकेट्स आणि 2 वेळा 100 पेक्षा जास्त धावांच्या फरकाने. भारताने बांगलादेशमध्ये 8 कसोटी सामने खेळले आहेत, त्यापैकी 6 जिंकले आहेत आणि 2 अनिर्णित राहिले आहेत.

टीम इंडियाची बॅटिंग मजबूत
वनडे मालिकेत 2-1 अशा पराभवानंतर टीम इंडिया कसोटी मालिकेत आक्रमक पध्दत अवलंबणार असल्याचे सांगितले जात आहे. संघ बांगलादेशला वर्चस्व गाजवण्याची कोणतीही संधी देणार नाही. राहुल, गिल, कोहली, पुजारा, अय्यर आणि पंत यांच्या रूपाने संघाकडे मजबूत फलंदाजी आहे. अश्विन आणि अक्षरच्या रूपाने 2 अव्वल दर्जाचे फिरकीपटूही आहेत. तसेच ते चांगल्या पद्धतीने ऑर्डर देखिल देऊ शकतील.

गोलंदाजीत भारताकडे कुलदीप यादवच्या रूपाने तिसरा फिरकी गोलंदाज आहे. तसेच उमेश यादव आणि मोहम्मद सिराज यांच्या रूपाने सर्वोत्तम वेगवान गोलंदाज उपलब्ध आहेत. दोघेही 140 किमी प्रतितास पेक्षा जास्त वेगाने गोलंदाजी करून बांगलादेशातील फलंदाजांना सातत्याने अडचणीत आणू शकतात.

राहुल दुसऱ्यांदा कर्णधार होणार
रोहित शर्मा दुखापतीमुळे वनडे मालिकेतील पहिल्या कसोटीतून बाहेर पडला आहे. त्याच्या जागी केएल राहुल संघाची धुरा सांभाळणार आहे. राहुलने यावर्षी जानेवारीत दक्षिण आफ्रिका दौऱ्यावर पहिल्यांदाच कसोटीत टीम इंडियाचे नेतृत्व केले होते. दक्षिण आफ्रिकेने हा सामना 7 विकेटने जिंकला. राहुलला मालिकेतील दोन्ही सामने जिंकून कसोटी कर्णधार म्हणून आपला विक्रम देखील कायम ठेवायचा आहे. कसोटीशिवाय राहुलने 7 एकदिवसीय सामन्यांमध्येही कर्णधारपद भूषवले आहे. यामध्ये भारताने 4 जिंकले आणि 3 हरले. त्‍याने टी-20मध्‍ये टीम इंडियाचे कर्णधारपदही भूषवले होते, ज्यात भारताने विजय मिळवला होता.
कसोटीच्या सर्वोच्च फॉर्ममध्ये पंत
24 वर्षीय यष्टीरक्षक फलंदाज ऋषभ पंत कसोटीत भारतासाठी सर्वोत्तम फलंदाजी करत आहे. या जागतिक कसोटी चॅम्पियनशिपच्या 10 सामन्यांत त्याने 720 धावा केल्या आहेत. यादरम्यान त्याच्या बॅटमधून 2 शतके आणि 4 अर्धशतकेही झळकली आहेत. त्याच्याशिवाय केएल राहुलने 7 सामन्यात 541 धावा केल्या आहेत. त्याच्या बॅटमधूनही दोन शतके झळकली आहेत.

अश्विन आशियाई खेळपट्ट्यांचा मास्टर
रविचंद्रन अश्विनने आशिया खंडात 58 कसोटी सामन्यात 355 विकेट घेतल्या आहेत. तो फक्त भारताचा अनिल कुंबळे आणि श्रीलंकेचा मुथय्या मुरलीधरन यांच्या मागे आहे. या वर्ल्ड टेस्ट चॅम्पियनशिपच्या 7 मॅचमध्ये त्याने 29 विकेट्स घेतल्या आहेत. अशा स्थितीत बांगलादेशला कसोटीत भारतावर मात करणे फार कठीण जाईल.

आता दोन्ही संघांचे संभाव्य प्लेइंग -11 पाहा

भारत : केएल राहुल (कर्णधार), शुभमन गिल, चेतेश्वर पुजारा, विराट कोहली, श्रेयस अय्यर, ऋषभ पंत, अक्षर पटेल, रविचंद्रन अश्विन, कुलदीप यादव, उमेश यादव आणि मोहम्मद सिराज.

बांगलादेश : शकीब अल हसन (कर्णधार), मोमिनुल हक, अनामूल हक, लिटन दास, मुशफिकुर रहीम, नजमुल हुसेन शांतो, मेहिदी हसन मिराज, तस्किन अहमद, इबादत हुसेन, तैजुल इस्लाम आणि शोरीफुल इस्लाम.

हा सामना जिंकल्यास भारत WTC यादीत तिसऱ्या स्थानावर येईल

जागतिक कसोटी चॅम्पियनशिप (WTC) गुणतालिकेत भारत ५२.०८% गुणांसह चौथ्या क्रमांकावर आहे. पहिला सामना जिंकल्यास 55.76% असेल. अशा स्थितीत टीम इंडिया श्रीलंकेला मागे टाकून पॉइंट टेबलमध्ये तिसऱ्या क्रमांकावर पोहोचेल. श्रीलंकेचे सध्या ५३.३३% गुण आहेत. ऑस्ट्रेलिया 75% गुणांसह पहिल्या तर दक्षिण आफ्रिका 60% गुणांसह दुसऱ्या स्थानावर आहे. सामना हरला आणि अनिर्णित राहिला तर भारत चौथ्या क्रमांकावर राहील.

मालिका जिंकताच भारत नंबर-2 वर पोहोचेल

दोन्ही संघातील संपूर्ण प्लेअर्सची कोणते, जाणून घ्या
भारत : केएल राहुल (कर्णधार), अभिमन्यू ईश्वरन, विराट कोहली, ऋषभ पंत (यष्टीरक्षक), चेतेश्वर पुजारा, शुभमन गिल, श्रेयस अय्यर, श्रीकर भरत, रविचंद्रन अश्विन, अक्षर पटेल, सौरभ कुमार, कुलदीप यादव, मोहम्मद सिराज, शरद कुमार, शरद यादव. उमेश यादव, जयदेव उनाडकट, नवदीप सैनी.

बांगलादेश : शकिब अल हसन (कर्णधार), लिटन दास (यष्टीरक्षक), अनामूल हक, मोमिनुल हक, मुशफिकुर रहीम, नजम