आयपीएलमध्ये वर्णभेद:सनराइजर्स संघात असताना मला आणि थिसारा परेराला ‘काळू’म्हणायचे; वेस्टइंडीजचा माजी कर्णधार डेरेन सॅमीचा आरोप

अमेरिकेत कृष्णवर्णय जॉर्ज फ्लॉयडच्या मृत्यूनंतर क्रिकेटमधील वर्णभेदाची प्रकरणे समोर येत आहेत. आता हा वर्णभेदाचा ठपका आयपीएलवरही लागला आहे. वेस्टइंडीजचा माजी कर्णधार डेरेन सॅमीने आयपीएलमध्ये वर्णभेद असल्याचा खुलासा केला आहे. सॅमीने आरोप लावला आहे की, जेव्हा तो हैदराबाद फ्रेंचाइजीकडून खेळत होता, तेव्हा त्याला आणि श्रीलंकेच्या थिसारा परेराला रंगावरुन चिडवले जायते.

सॅमीचे म्हणने आहे की, त्याला आणि परेराला ‘काळू’ म्हटले जायये. त्या शब्दाचा अर्थ सॅमीला आता कळाला आहे. हे कळाल्यापासून तो खूप रागात आहे.

पूर्वी मला याचा अर्थ माहित नव्हता: सॅमी

सॅमीने शनिवारी आपल्या इंस्टाग्राम स्टोरीवर लिहीले, ‘‘मला आताच 'काळू' शब्दाचा अर्थ समजला आहे. जेव्हा मी आयपीएलमध्ये सनराइजर्सकडून खेळत होतो, तेव्हा मला आणि थिसारा परेराला याच नावाने हाक मारली जायची. मला तेव्हा वाटले की, याचा अर्थ मजबुत घोडा असेल. पण, आता मला याचा खरा अर्थ समजला आहे.’’ दरम्यान, त्याला काळू नावाने कोण हाक मारत होते, याबाबत त्याने खुलासा केला नाही.

सॅमीचे अमेरिकेतील आंदोलनाला समर्थन

सॅमी अमेरिकेत जॉर्ज फ्लॉयडच्या मृत्यूनंतर सुरू झालेल्या आंदोलनाचे समर्थन करत आला आहे. त्याने क्रिकेट जगतातून वर्णभेदाविरोधात आवाज उठवण्याची अपील केली आहे.