आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Lionel Messi Retirement Talks After Winning World Cup | FIFA World Cup | Lionel Messi

मी निवृत्त होत नाहीये:विश्वचषक विजयानंतर मेसी म्हणाला– मला अर्जेंटिनासोबत चॅम्पियनसारखे खेळायचे आहे

एका महिन्यापूर्वी
  • कॉपी लिंक

फुटबॉल विश्वचषक विजयानंतर अर्जेंटिनाचा कर्णधार लिओनल मेसीने आपण निवृत्ती घेणार नसल्याचे सांगितले. अंतिम सामन्यापूर्वी अर्जेंटिनाने सांगितले होते की, मेसी विश्वचषकानंतर आंतरराष्ट्रीय फुटबॉलमधून निवृत्ती घेईल.

Goal.com च्या रिपोर्टनुसार, सामन्यानंतर मेसीने सांगितले की, तो अर्जेंटिना संघातून निवृत्त होत नाहीये. त्याला आता राष्ट्रीय संघाकडून चॅम्पियनप्रमाणे खेळायचे आहे. यावेळी आपण ही स्पर्धा जिंकणार असल्याची भावना मनात होती असे त्याने सांगितले.

अर्जेंटिना तब्बल 36 वर्षांनंतर विश्वविजेता ठरला
रविवारी खेळल्या गेलेल्या फिफा विश्वचषकाच्या अंतिम फेरीत अर्जेंटिनाने फ्रान्सचा पेनल्टी शूटआऊटमध्ये 4-2 असा पराभव केला. निर्धारित 90 मिनिटांपर्यंत दोन्ही संघ २-२ असे बरोबरीत होते. अतिरिक्त वेळेनंतर सामना 3-3 असा बरोबरीत होता. मेसीने अंतिम फेरीत दोन गोल केले. फ्रान्ससाठी किलियन एमबाप्पेने हॅट्ट्रिक केली. अर्जेंटिना तब्बल 36 वर्षांनंतर विश्वविजेता ठरला.

1986 मध्ये, डियागो मॅराडोनाच्या नेतृत्वाखाली अर्जेंटिनाने विश्वचषक जिंकला होता. या स्पर्धेत मॅराडोनाने 5 गोल आणि 5 असिस्ट केले. याच स्पर्धेत त्याने इंग्लंडविरुद्ध प्रसिद्ध हॅण्ड ऑफ गॉड गोल केला. चेंडू मॅराडोनाच्या हाताला लागून गोलमध्ये गेला आणि रेफ्रींना तो दिसला नव्हता.

2006 साली झालेल्या विश्वचषकात मेसी पहिल्यांदा अर्जेंटिना संघाचा भाग होता
मेसी 2006 पासून वर्ल्ड कपमध्ये सहभागी होत आहे. विश्वचषक स्पर्धेत त्याने आतापर्यंत 26 सामने खेळले आहेत. ज्यामध्ये तो 13 गोल करण्यात यशस्वी झाला आहे. ज्यामध्ये 12 क्षेत्रीय गोल आहेत, तर 4 गोल पेनल्टीमधून आहेत. त्याने 2006 मध्ये अर्जेंटिनासाठी एक गोल केला होता. 2010 च्या दुसऱ्या विश्वचषकात त्याला एकही गोल करण्यात यश आले नाही. तर 2014 मध्ये त्याने 4 गोल केले होते. 2018 मध्ये त्याने 1 गोल केला. पाचव्या विश्वचषकात त्याने अर्जेंटिनासाठी 7 गोल केले.

उपांत्य फेरीनंतर मेसी म्हणाला होता की, पुढच्या विश्वचषकाला खूप वेळ आहे
अर्जेंटिना अंतिम फेरीत पोहोचल्यानंतर मेसी म्हणाला की, पुढचा विश्वचषक खूप लांब आहे. अशा परिस्थितीत अर्जेंटिनासाठी हा विश्वचषक शेवटचा विश्वचषक ठरू शकतो. अशा स्थितीत तो विश्वचषकानंतर निवृत्ती जाहीर करेल, अशी अपेक्षा होती.

बातम्या आणखी आहेत...