जिम्नॅस्टिक्स:राष्ट्रीय एरोबिक जिम्नॅस्टिक्स स्पर्धेत महाराष्ट्राला सर्वसाधारण जेतेपद

जिम्नॅस्टिक्स फेडरेशन ऑफ इंडियातर्फे गाेपालन स्पाेर्ट््स सेंटर, बंगळुरू (कर्नाटक) येथे नुकत्याच झालेल्या १७ व्या राष्ट्रीय एरोबिक्स जिम्नॅस्टिक स्पर्धेत महाराष्ट्राच्या खेळाडूंनी उत्कृष्ट कामगिरी करत सर्वसाधारण विजेतेपद पटकावले. यात खेळाडूंनी ५ सुवर्ण, १० रौप्य व ३ कांस्यपदके जिंकली. या स्पर्धेत छत्रपती संभाजीनगरच्या डॉ. मकरंद जोशी यांनी तांत्रिक समिती अध्यक्ष म्हणून तर अमेय जोशी, विवेक देशपांडे, डॉ. नीलेश जोशी व संदीप लटपटे यांनी पंच म्हणून काम पाहिले. विजेत्या खेळाडूंचे जिल्हा संघटनेचे कार्याध्यक्ष अॅड. संकर्षण जोशी, सचिव हर्षल मोगरे, डॉ. विशाल देशपांडे आदींनी अभिनंदन केले. विजेते खेळाडू पुढीलप्रमाणे : वरिष्ठ गट - साक्षी डोंगरे (महिला एकेरी कांस्य), साक्षी लड्डा व धैर्यशील देशमुख (मिश्र दुहेरी रौप्य), संदेश चिंतलवाड, आर्य शहा व स्मित शहा (मिश्र तिहेरी रौप्य), गौरव जोगदंड, विजय इंगळे, प्रेम बनकर, उदय मधेकर व अभय उंटवाल (सांघिक रौप्य), धैर्यशील देशमुख, साक्षी लड्डा, साक्षी डोंगरे, संदेश चिंतलवाड, सायली वझरकर, विजय इंगळे, उदय मधेकर व अभय उंटवल (एरोडान्स सुवर्ण). कनिष्ठ गट - अद्वैत वझे (पुरुष एकेरी सुवर्ण), गौरी ब्राह्मणे व अनिकेत चौधरी (मिश्र दुहेरी रौप्य), राधा सोनी, विश्वेश पाठक व अनिकेत चौधरी (मिश्र तिहेरी रौप्य), देवेश कातनेश्वकर, अद्वैत वझे, दीपक अर्जुन, पाणिनी देव व रामदेव बिराजदार (सांघिक सुवर्ण).