मुंबई इंडियन्सचा सलग 5वा विजय:WPL प्लेऑफसाठी पात्र ठरलेला पहिला संघ, गुजरातचा 55 धावांनी पराभव

मुंबई इंडियन्स महिला प्रीमियर लीग (WPL) च्या प्लेऑफसाठी पात्र ठरली आहे. या संघाने लीगमध्ये सलग 5वा विजय नोंदवला. मंगळवारी मुंबई संघाने गुजरात जायंट्सचा 55 धावांनी पराभव केला.

यजमान म्हणून खेळणाऱ्या मुंबई संघाने त्यांचे सर्व 5 सामने जिंकले आहेत. हा संघ सर्वाधिक 10 गुणांसह गुणतालिकेत अव्वल स्थानावर आहे.

मुंबईच्या ब्रेबॉर्न स्टेडियमवर गुजरातने नाणेफेक जिंकून क्षेत्ररक्षण करण्याचा निर्णय घेतला. नाणेफेक हारल्यानंतर फलंदाजीला उतरलेल्या मुंबई संघाने 20 षटकांत 8 गडी गमावून 162 धावा केल्या. प्रत्युत्तरात गुजरातचे फलंदाज 20 षटकांत 9 गडी बाद 107 धावाच करू शकले.

हे आहेत मॅच विनर्स

अशा पडल्या गुजरातच्या विकेट्स

मुंबई इंडियन्सचा डाव

कर्णधार हरमनप्रीतच्या अर्धशतकाच्या जोरावर मुंबईने 162 धावा केल्या ब्रेबॉर्न स्टेडियमवर प्रथम फलंदाजी करताना मुंबईने 20 षटकांत 8 बाद 162 धावा केल्या. कर्णधार हरमनप्रीत कौरने (51 धावा) अर्धशतक झळकावले, तर सलामीवीर यास्तिका भाटियाने 44 आणि नताली सीव्हर हिने 36 धावांचे योगदान दिले.

गुजरातकडून अ‌ॅश्ले गार्डनरने तीन बळी घेतले. किम गर्थ, स्नेह राणा आणि तनुजा कंवर यांना प्रत्येकी एक विकेट मिळाली.

पहिल्याच षटकात मॅथ्यूजची विकेट गमावली

नाणेफेक गमावल्यानंतर प्रथम फलंदाजी करणाऱ्या मुंबईने पहिल्याच षटकात हेली मॅथ्यूजची विकेट गमावली. तो अ‌ॅश्ले गार्डनरकरवी झेलबाद झाला. त्यानंतर पॉवरप्लेमध्ये नताली सीव्हर आणि यास्तिका भाटिया यांनी एकही विकेट जाऊ दिली नाही. 6 षटकांनंतर संघाने 1 गडी गमावून 43 धावा केल्या.

अशा पडल्या मुंबईच्या विकेट्स

जाणून घेऊया - या स्पर्धेतील दोन्ही संघांचे रेकॉर्ड, त्यांचे अव्वल खेळाडू व मुंबईच्या ब्रेब्रॉर्न खेळपट्टीचा अहवाल आणि संभाव्य प्लेअर्सबद्दल...

गुजरातने 4 पैकी 3 सामने गमावले
गुजरात जायंट्सची या स्पर्धेत खराब सुरूवात झाली. मुंबईपाठोपाठ यूपी संघाने अत्यंत चुरशीच्या लढतीत 3 गडी राखून पराभूत केले. संघाने तिसरा सामना 11 धावांनी जिंकला. पण दिल्लीविरूद्ध 10 गडी राखून पराभव पत्कारावा लागला. संघाची माजी कर्णधार बेथ मुनी जखमी झाल्याने स्पर्धेबाहेर पडली आहे. तिच्या जागी स्नेह राणा कर्णधार आहे. पण ती स्वतः एक खेळाडू म्हणून या टीममध्ये काही खास कामगिरी करताना दिसून आली नाही.

मुंबईने सलग 4 सामने जिंकले
मुंबई इंडियन्सने गुजरात जायंट्सवर 143 धावांनी दणदणीत विजय मिळवून स्पर्धेतील आपल्या मोहीमची सुरूवात केली. यानंतर संघाने बंगळुरू, दिल्ली आणि यूपीचाही पराभव केला. 4 सामन्यांत 4 विजय मिळवून संघ 8 गुणांसह गुणतालिकेत अव्वल स्थानावर आहे. हेली मॅथ्यूज, नताली सिव्हर-ब्रंट, हरमनप्रीत कौर, यास्तिका भाटिया आणि अमेलिया केर यांनी संघाकडून काही चमकदार फलंदाजी केली. त्याचबरोबर सायका इशाक आणि इसाबेल वँग यांनी उत्कृष्ट गोलंदाजी केली आहे.

गुजरात 64 धावांवर आऊट झाला
या स्पर्धेतील पहिला सामना मुंबई आणि गुजरात यांच्यात ४ मार्च रोजी झाला होता. नाणेफेक जिंकून प्रथम फलंदाजी करताना मुंबईने 20 षटकांत 5 गडी गमावून 207 धावा केल्या. प्रत्युत्तरात गुजरातचा संघ 64 धावांत ऑलआऊट झाला.

खेळपट्टीचा अहवाल
ब्रेबॉर्न स्टेडियमची खेळपट्टी उच्च स्कोअरिंग आहे. येथील स्पर्धेत सरासरी 171 धावा होत्या. सुरुवातीला संघ नाणेफेक जिंकून प्रथम फलंदाजी करण्यास प्राधान्य देत होते, परंतु आता संघ पाठलाग करण्यावर भर देत आहेत.

दोन्ही संघांचे प्लेइंग-11

गुजरात जायंट्स : स्नेह राणा (कर्णधार), लॉरा वोल्वार्ड/सोफिया डंकले, हरलीन देओल, सबिनेनी मेघना, सुषमा वर्मा (विकेटकीपर), दयालन हेमलता, तनुजा कंवर, जॉर्जिया वॅरेहेम, मानसी जोशी, ऍशले गार्डनर आणि किम गर्थ.

मुंबई इंडियन्स : हरमनप्रीत कौर (क), यास्तिका भाटिया (विकेटकीपर), हेली मॅथ्यूज, नताली सायव्हर ब्रंट, अमेलिया केर, हुमैरा काझी, धारा गुजर/पूजा वस्त्राकर, इसाबेल वोंग, अमनजोत कौर, जिंतीमणी कलिता आणि सायका इशाक.