गोल्डन बॉय:नीरज चोप्राचा फिनलंडमध्ये ट्रेनिंगचा प्रस्ताव मंजूर; कुओर्तने ऑलिम्पिक प्रशिक्षण केंद्रात तयारी करणार

युवा व्यवहार आणि क्रीडा मंत्रालय (MYAS) आणि क्रीडा मंत्रालयाच्या मिशन ऑलिम्पिक सेलने (MOC) गुरुवारी टोकियो ऑलिम्पिक सुवर्णपदक विजेता नीरज चोप्राच्या कुओर्तने, फिनलंड येथे प्रशिक्षण घेण्याच्या प्रस्तावाला मंजुरी दिली. नीरजला जूनमध्ये अनेक जागतिक अॅथलेटिक्स स्पर्धांमध्ये भाग घ्यायचा आहे, ज्यासाठी त्याने फिनलंडमधील कुओर्तने ऑलिम्पिक प्रशिक्षण केंद्रात तयारी करण्याचे ठरवले आहे.

नीरज चोप्रा जगातील अव्वल भालाफेकपटू

टोकियो ऑलिम्पिक सुवर्णपदक विजेता नीरज चोप्रा नुकताच जगातील नंबर वन भालाफेकपटू बनला. ही कामगिरी करणारा तो देशातील पहिला खेळाडू आहे. जागतिक अॅथलेटिक्स महासंघाने सोमवारी (22 मे) ही क्रमवारी जाहीर केली. नीरज 1455 गुणांसह पहिल्या क्रमांकावर आहे. त्याने ग्रेनेडाच्या जगज्जेत्या अँडरसन पीटर्सला 22 गुणांनी पिछाडीवर टाकले आहे.

पॅरिस ऑलिम्पिकमध्ये किताब डिफेंड करण्याचे लक्ष्य

भारतीय भालाफेकपटू आशियाई क्रीडा स्पर्धेचा गतविजेते आहेत. इंडोनेशियातील जकार्ता येथे झालेल्या 2018 आशियाई क्रीडा स्पर्धेत त्याने सुवर्णपदक जिंकले. यावर्षी 23 सप्टेंबर ते 8 ऑक्टोबर या कालावधीत चीनमधील हांगझोऊ येथे होणाऱ्या आशियाई क्रीडा स्पर्धेत त्याला आपले विजेतेपद राखायचे आहे. नीरजने गेल्या वर्षी अमेरिकेत झालेल्या यूजीन वर्ल्ड अॅथलेटिक्स चॅम्पियनशिपमध्ये रौप्यपदक जिंकले होते. नीरजला पॅरिस ऑलिम्पिकमध्ये आपला किताब डिफेंड करायचा आहे.