आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

ॲथलेटिक्समधील पहिल्या पदकाची प्रतीक्षा संपणार:नीरज चोप्रा ट्रॅक अँड फील्डमध्ये पहिले ऑलिम्पिक पदक जिंकणारा पहिला भारतीय बनू शकतो

2 महिन्यांपूर्वी
  • कॉपी लिंक

ट्रॅक आणि फील्ड इव्हेंट्स म्हणजे ॲथलेटिक्स हे कोणत्याही ऑलिम्पिक खेळाचे मुख्य आकर्षण असते, परंतु आजपर्यंत कोणत्याही भारतीयाने या स्पर्धांमध्ये पदक जिंकले नाही. ब्रिटिश भारताकडून खेळत असलेल्या नॉर्मन प्रिचर्डने 1900 च्या ऑलिम्पिकमध्ये ॲथलेटिक्समध्ये दोन पदके जिंकली होती, परंतु तो एक इंग्रज होता, भारतीय नव्हता. भारताची 121 वर्षांची प्रतीक्षा भाला फेकणारा नीरज चोप्रा शनिवारी संपवू शकतो.

क्वालिफाईंगमध्ये 86 मीटरपेक्षा जास्त लांबीचा थ्रो
नीरज सध्या उत्कृष्ट फॉर्ममध्ये आहे. त्याने टोकियो ऑलिम्पिकमध्ये भालाफेकच्या पात्रता स्पर्धेत 86.65 मीटर भाला फेकला. त्याने पात्रता गट A आणि गट B मध्ये प्रथम स्थान मिळवले होते. नीरजची वैयक्तिक सर्वोत्तम 88.06 मी आहे. या थ्रोसह त्याने 2018 च्या आशियाई क्रीडा स्पर्धेत सुवर्णपदक जिंकले होते. नीरजने अंतिम फेरीत ही कामगिरी पुन्हा केली तर पदक जिंकण्याची त्याची शक्यता बरीच वाढेल.

जर्मन प्रशिक्षकाकडून प्रशिक्षण घेतले आहे
नीरज चोप्राने आपले भला फेकण्याचे कौशल्य सुधारण्यासाठी जर्मनीच्या बायोमेकॅनिक्स तज्ञ क्लाऊस बार्टोनिट्झ यांच्याकडून प्रशिक्षण घेतले आहे. तेव्हापासून त्याच्या कामगिरीत सातत्य आहे.

5 मोठ्या स्पर्धांमध्ये सुवर्णपदक जिंकले आहे
भारतीय लष्करात काम करणाऱ्या नीरजने आपल्या कारकिर्दीत आतापर्यंत 5 मेगा क्रीडा स्पर्धांमध्ये सुवर्णपदके जिंकली आहेत. त्याने आशियाई खेळ, राष्ट्रकुल खेळ, आशियाई चॅम्पियनशिप, दक्षिण आशियाई खेळ आणि वर्ल्ड ज्युनिअर चॅम्पियनशिप स्पर्धेत सुवर्णपदके जिंकली आहेत.

वजन कमी करण्यासाठी ॲथलेटिक्सध्ये आला
नीरज चोप्रा मूळचा हरियाणाच्या पानिपत जिल्ह्यातील आहे. वजन कमी करण्यासाठी तो ॲथलेटिक्समध्ये सामील झाला. लवकरच त्याने वयोगट स्पर्धांमध्ये चांगली कामगिरी करण्यास सुरुवात केली आणि पुढे अनेक स्पर्धा जिंकल्या. 2016 मध्ये नीरज भारतीय सैन्यात भरती झाला.

बातम्या आणखी आहेत...