आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Dada To Appear In New Innings: Ganguly Will Now Support Coaches teachers, Says I Will Work Actively For Them

नव्या इनिंगमध्ये दिसणार दादा:गांगुली आता प्रशिक्षक-शिक्षकांना देणार पाठिंबा, म्हणाले- त्यांच्यासाठी मी सक्रियपणे काम करणार

एका महिन्यापूर्वी
  • कॉपी लिंक

भारताचा माजी कर्णधार सौरव गांगुलीने गुरुवारी आपली नवी इनिंग जाहीर केली. 49 वर्षीय माजी खेळाडूने आपल्या राजीनाम्याच्या अफवेनंतर 20 तासांनंतर दोन सोशल पोस्टमध्ये आपली नवीन योजना सांगीतली आहे.

दादा आता शिक्षक आणि प्रशिक्षकांना पाठिंबा देणार. दादाने एकामागून एक चार पोस्ट टाकल्या. त्यात एकामध्ये त्याचा प्रमोशनल व्हिडिओही दिसत आहे.

पोस्टमध्ये लिहिले - मला जगातील सर्व शिक्षक आणि प्रशिक्षकांसाठी काहीतरी करायचे आहे

BCCI अध्यक्षांनी आपल्या पोस्टमध्ये लिहिले आहे की, 'मागील पोस्टनंतर लोक मला प्रश्न विचारत आहेत. मी माझ्या समाजातील अशा समूहाचा विचार करत आहे, जे देशाला महान बनवण्यात रोज कार्मयग्न आहेत. IPL ने अनेक महान खेळाडू दिले, जे मला प्रत्येक क्षणी प्रेरणा देतात, पण त्या खेळाडूंच्या यशात त्या खेळाडूंच्या यशामागे प्रशिक्षकांचे रक्त आणि घाम आहे. हे केवळ क्रिकेटसाठीच नाही, तर शैक्षणिक, फुटबॉल, संगीत अशा इतर क्षेत्रांसाठीही शिक्षक आणि प्रशिक्षकांचे योगदान आहे. मी सर्व प्रशिक्षकांचा आभारी आहे मी जो काही आज आहे, त्यांच्यामुळेच आहे, ज्यांनी मला घडवले. अभिनेते, खेळाडू आणि त्यांच्या कामातील यशस्वी सीईओ यांच्या माध्यमातून जे त्यांचे प्रशिक्षक आणि शिक्षक आहेत अशा आपल्या खऱ्या नायकांचे गौरव करण्याची हीच वेळ आहे. मला जगातील सर्व प्रशिक्षक, शिक्षक आणि शिक्षकांसाठी काहीतरी करायचे आहे. ज्याची मी आजपासून सुरुवात करत आहे. आता या सर्वांना पाठिंबा देण्यासाठी मी सक्रियपणे काम करेन.

एका पोस्टमुळे झाला गोंधळ

गांगुलीने बुधवारी एक पोस्ट केली. ज्यावर लिहिले होते की, 2022 हे वर्ष माझ्या क्रिकेट प्रवासाचे 30 वे वर्ष आहे. आता मला लोकांचे भले होईल असे काहीतरी करायचे आहे. या पदानंतर त्यांच्या राजीनाम्याच्या अफवा पसरल्या. मात्र, काही वेळानंतर BCCI चे सचिव जय शाह यांनी याचा इन्कार केला.

बातम्या आणखी आहेत...