जोकोविच एकदा बॉम्बस्फोटातून बचावला:5 भाषा बोलणारा वर्ल्ड नंबर 1 टेनिसपटू, लहानपणी कागद-लाकडापासून बनवायचा ट्रॉफी

1999 वे वर्ष आणि मे महिना. टेनिस कोर्टवर 12 वर्षांचा मुलगा त्याच्या मित्रांसोबत केक कापून त्याचा वाढदिवस साजरा करत असतो आणि त्याचे मित्र त्याला वाढदिवसाच्या शुभेच्छा देत असतात. त्याचवेळी एक लढाऊ विमान F-117 त्यांच्यापासून काही अंतरावरून जात असताना त्यातून एक बॉम्ब टाकून निघून जातो. सर्बियाची राजधानी बेलग्रेड येथे जन्मलेला तो 12 वर्षांचा मुलगा अशा परिस्थितीतून बाहेर पडून आज जगातील नंबर 1 टेनिसपटू बनला आहे…त्याचे नाव- आहे नोव्हाक जोकोविच.

सात विम्बल्डन, तीन US ओपन आणि दोन फ्रेंच ओपन जिंकणारा हा टेनिसपटू आता दहाव्यांदा ऑस्ट्रेलियन ओपन जिंकल्यामुळे चर्चेत आहे. टेनिस जगतात सुपरनोव्हाक म्हणून ओळखल्या जाणाऱ्या जोकोविचचे मत आहे की, सुरुवात काहीही असो, पण आता त्याच्याकडे पैशांची कमतरता नाही. त्याने टेनिस खेळून इतका पैसा कमावला आहे की तो संपूर्ण सर्बियाचे पोट भरू शकतो.

आज लक्झरी लाइफमध्ये, सर्बियन टेनिस स्टार नोव्हाक जोकोविचच्या भव्य जीवनशैलीबद्दल जाणून घेऊ या…

लहानपणी कागद आणि लाकूड वापरून टेनिस ट्रॉफी बनवायचा

नोव्हाक जोकोविचने वयाच्या 4 व्या वर्षी पहिल्यांदा टेनिस रॅकेट पकडले होते. त्याचे आईवडील सर्बियातील कोपोनिक नावाच्या माउंटन रिसॉर्टमध्ये व्यवसाय करायचे. जोकोविचने तिथल्या टेनिस कोर्टमध्ये मौजमजेसाठी टेनिस खेळायला सुरुवात केली. जोकोविच 7 वर्षांचा झाला तेव्हा त्याने ठरवले की त्याला टेनिस हेच करिअर म्हणून करायचे आहे. जोकोविचने एका मुलाखतीत सांगितले की, लहानपणी तो स्वत:ला प्रोत्साहन देण्यासाठी कागद आणि लाकडाने घरी टेनिस ट्रॉफी बनवत असे.

वयाच्या 18 व्या वर्षी जिंकले ATPचे पहिले विजेतेपद

जोकोविचने वयाच्या 18 व्या वर्षी पहिले ATP जेतेपद पटकावले. जोकोविच हा ATP क्रमवारीत नंबर वन बनणारा सर्बियाचा पहिला टेनिसपटू आहे. त्याच वेळी, पुरुषांमध्ये ग्रँड स्लॅम जिंकणारा तो पहिला सर्बियन खेळाडू आहे.

जोकोविचने खाण्याने बदलला खेळ, सामन्यादरम्यान खातो खजूर

त्याचे पहिले ATP विजेतेपद जिंकल्यानंतर, जोकोविचला सामन्यादरम्यान काहीवेळा श्वासोच्छ्वास जाणवला आणि थकवा जाणवू लागला. मग त्याने आपल्या थकव्याचे कारण त्याच्या असंतुलित आहाराला दिले. त्याला पिझ्झा-सोडा खाण्याचे आणि पिण्याचे व्यसन होते.

अनेक तपासण्यांनंतर जोकोविचला ग्लूटेन, साखर आणि दुग्धजन्य पदार्थांपासून दूर राहावे लागले, जिथे सर्व टेनिसपटू सामन्यादरम्यान एनर्जी मिळवण्यासाठी केळी किंवा प्रोटीन बार खाणे पसंत करतात.

तर जोकोविचला एनर्जी मिळवण्यासाठी खजूर खायला आवडते. त्यांच्या म्हणण्यानुसार, खजुरापासून त्याला ऊर्जासोबतच नैसर्गिक साखरही मिळते. 2010 पासून त्याने हे सर्व आहारात बदल केले आहेत.

सर्बियापासून अमेरिकेपर्यंत आहेत आलिशान बंगले

सर्बियाची राजधानी बेलग्रेडमध्ये जन्मलेल्या जोकोविचकडे आज सर्बियापासून ते स्पेनपर्यंत आलिशान बंगले आहेत. कोविडच्या काळात जोकोविचने स्पेनमधील मारबेला येथे आलिशान बंगला घेतला होता.

जोकोविचने हा बंगला जवळपास 75 कोटी रुपयांना खरेदी केला आहे. या बंगल्यात नऊ बेडरूम, आठ बाथरूम, स्विमिंग पूल, सिनेमा हॉल आणि जिम आहेत. जेव्हा जग लॉकडाउनमध्ये होते, तेव्हा जोकोविचने या घरातील लिव्हिंग रूमचा टेनिस कोर्ट म्हणून वापर करून सराव सुरू ठेवला.

या बंगल्याशिवाय जोकोविचची अमेरिकेतील फ्लोरिडा, न्यूयॉर्क आणि सर्बियातील न्यू बेलग्रेड येथेही मालमत्ता आहेत.

जोकोविच लक्झरी कारचाही आहे शौकीन

सर्बियन टेनिस सुपरस्टार 'प्यूजिओ' (‘Peugeot’)या लक्झरी कार ब्रँडचा ब्रँड एम्बेसेडर आहे. जोकोविचकडे 'Peugeot e-208' नावाची लिमिटेड एडिशन इलेक्ट्रिक कार आहे, जी 2020 मध्ये ऑस्ट्रेलियन ओपन जिंकल्यानंतर कंपनीने त्याला भेट दिली होती. याशिवाय त्याच्या पार्किंगमध्ये मर्सिडीज बेंझ एस-500, बेंटले कॉन्टिनेंटल जीटी, एस्टन मार्टिन डीबी9 आणि ऑडी आर8 सारख्या लक्झरी कारचा समावेश आहे.

जोकोविचकडे आहे घड्याळांचे सुपर कलेक्शन

आलिशान घरे, आलिशान कार याशिवाय सुपरनोव्हाककडे घड्याळांचेही सुपर कलेक्शन आहे. सध्या तो 'सेको' (‘Seiko’ )या जपानी घड्याळ कंपनीचे ब्रँड एम्बेसेडर आहेत. सेकोने नोव्हाक जोकोविचची अनेक मर्यादित आवृत्ती घड्याळे बनवली आहेत.

जोकोविच वेगवेगळ्या वेळी ही घड्याळे घालतो. प्रशिक्षण घेत असताना तो स्पोर्टुरा क्रोनोग्राफ घालतो. संध्याकाळच्या कार्यक्रमात जाताना तो 'प्रीमियर कायनेटिक पर्पेच्युअल'( ‘Premier kinetic perpetual’ )घड्याळ घालतो. आणि जेव्हा जोकोविच टेनिस कोर्टपासून दूर असतो तेव्हा तो सेकोची 'डायव्हर्स' हे घड्याळ घालतो.

जोकोविच मजेदार शैलीसह अनेक भाषा बोलण्यासाठीही प्रसिद्ध आहे

तुम्ही जोकोविचचे सामने पाहिले असतील, तर तुम्हीही अशा लोकांमध्ये सामील असाल जे त्याला रागीट समजतात. मात्र वास्तविक जीवनात तसे नाहीये. जोकोविच खूप मजेशीर स्वभावाचा आहे. तो त्याच्या मिमिक्री आणि इतरांची नक्कल करण्यासाठी देखील प्रसिद्ध आहे. यासोबतच जोकोविचला भाषांवरही प्रभुत्व आहे. सर्बियन भाषेव्यतिरिक्त, त्याला इंग्रजी, इटालियन, फ्रेंच आणि थोडे स्पॅनिश देखील माहित आहे.