आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • 16 year old Pragyanand Wins Norwegian Open Chess: Vs. Pranit Lost In The Final, Defeating Two time World Champion Magnus Carlsen Last Month

16 वर्षीय प्रज्ञानानंद जिंकला नॉर्वे ओपन बुद्धिबळ:व्ही. प्रणितचा केला अखेरच्या फेरीत पराभव , गेल्या महिन्यात दोन वेळा जागतिक विजेता मॅग्नस कार्लसनचा केला होता पराभव

एका महिन्यापूर्वी
  • कॉपी लिंक

बुद्धिबळ विश्वातील उगवता तारा आर. प्रज्ञानानंदने नॉर्वेजियन ओपन जिंकली आहे, ही जगातील सर्वात कठीण बुद्धिबळ स्पर्धांपैकी एक आहे. 16 वर्षीय भारतीय खेळाडूने या अ दर्जाच्या स्पर्धेच्या नऊ फेऱ्यांमधून 7.5 गुण मिळवून पहिले स्थान पटकावले आहे.

अव्वल मानांकित प्रज्ञानंदने अंतिम फेरीत आंतरराष्ट्रीय मास्टर व्ही. प्रणीतचा पराभव केला. या संपूर्ण स्पर्धेत तोअपराजित राहिला आहे.

बुद्धिबळ ऑलिम्पियाडसाठी भारतीय ब संघाच्या शिबिरात सहभागी होण्यासाठी तो मायदेशी परतत आहे. बुद्धिबळ ऑलिम्पियाडच्या या हंगामाचे आयोजन भारत करत आहे. 98 वर्षांच्या इतिहासात ही स्पर्धा प्रथमच भारतात होत आहे. ही स्पर्धा पुढील महिन्यात चेन्नई येथे आयोजित करण्यात येणार आहे. त्याला बुद्धिबळ ऑलिंपिक असेही म्हणतात.

असे होते अभियान

प्रज्ञानंदने आठव्या फेरीत व्हिक्टर मिखालेव्हस्की, सहाव्या फेरीत व्हिटाली कुनेन, चौथ्या फेरीत यारोव मुखमादझोखिद, दुसऱ्या फेरीत सेमेन मुतुसोव्ह आणि पहिल्या फेरीत मॅथियास अनेलँडचा पराभव केला. तिसऱ्या, पाचव्या आणि सातव्या फेरीचे सामने अनिर्णित राहिले.

दोन वेळा विश्वविजेत्याला हरवले

प्रज्ञानानंदने गेल्या महिन्यात झालेल्या ऑनलाइन स्पर्धेत सध्याचा विश्वविजेता मॅग्नस कार्लसनचा दोनदा पराभव केला आहे. त्याने 2018 मध्ये वयाच्या 12 व्या वर्षी ग्रँड मास्टरचा किताब पटकावला होता. ही कामगिरी करणारा तो भारताकडून सर्वात तरुण खेळाडू ठरला आहे.

विश्वनाथन आनंदने पटकावले तिसरे स्थान

माजी विश्वविजेता आणि अनुभवी भारतीय बुद्धिबळपटू विश्वनाथन आनंद तिसऱ्या स्थानावर राहिला. नऊ फेऱ्यांनंतर त्याचे 14.5 गुण होते. शेवटच्या फेरीत आनंदने तारीचा पराभव केला.

विजयानंतर विश्वविजेता मॅग्नस कार्लसन
विजयानंतर विश्वविजेता मॅग्नस कार्लसन

कार्लसनने 10 वेळेस पटकावले विजेतेपद, सलग 4 वेळा बनला चॅम्पियन

नॉर्वेजियन वर्ल्ड चॅम्पियन मॅग्नस कॉर्सनने सलग चौथ्यांदा नॉर्वेजियन ओपन जिंकले आहे. तो एकूण 10 वेळेस या स्पर्धेचा विजेता ठरला होता. त्याच्या नावावर 16.5 गुण आहेत.

बातम्या आणखी आहेत...