टेनिस:दुखापतीमुळे 36 वर्षांत राफेल नदाल 2 मास्टर्स स्पर्धांतून बाहेर

स्पॅनिश टेनिसपटू राफेल नदाल दुखापतीमुळे या महिन्यात होणाऱ्या दोन मास्टर्स १००० स्पर्धांमधून बाहेर पडला आहे. ३६ वर्षीय नदाल ६ मार्चपासून इंडियन वेल्स आणि २० मार्चपासून सुरू होणाऱ्या मियामी ओपनमध्ये खेळणार नाही. २२ वेळचा ग्रँडस्लॅम चॅम्पियन नदाल गेल्या महिन्यात ऑस्ट्रेलियन ओपनच्या दुसऱ्या फेरीत पराभूत झाल्यापासून एकाही स्पर्धेत खेळलेला नाही. मॅकेन्झी मॅकडोनाल्डविरुद्धच्या सामन्यादरम्यान त्याला हिपला दुखापत झाली, ज्यामुळे त्याला सहा ते आठ आठवडे खेळापासून दूर ठेवले गेले. इंडियन वेल्सचे संचालक टॉमी हास म्हणाले, “नदाल लवकरात लवकर बरा व्हावा अशी आमची इच्छा आहे. आम्ही पुढील वर्षी स्पर्धेत त्याच्या पुनरागमनासाठी उत्सुक आहोत.’