व्हिडिओ रोबोटने 7 वर्षाच्या मुलाचे तोडले बोट:मुलगा बुद्धिबळ स्पर्धा खेळत होता, अधिकारी म्हणाला - त्याने सुरक्षा प्रोटोकॉल मोडला

रशियातील बुद्धिबळ स्पर्धेदरम्यान एका रोबोटने 7 वर्षांच्या मुलाचे बोट तोडले. ख्रिस्तोफर असे या मुलाचे नाव आहे. मॉस्को येथे 19 जुलै रोजी सुरू झालेल्या मॉस्को ओपन बुद्धिबळ स्पर्धेत तो भाग घेत होता. शनिवारी रात्रीचा तो व्हिडिओ समोर आला आहे.

रोबोटची चाल चलण्यापूर्वी ख्रिस्तोफर आपली चाल खेळत असल्याचे दिसून येते. त्यात काही वेळाने असे दिसते की रोबोटच्या हातात त्याचे स्वतःचे बोट अडकले आहे. यामध्ये शेजारी उभे असलेले काही लोक त्या मुलाचे बोट रोबोटपासून सोडवण्यासाठी प्रयत्न करताना दिसत आहे.

फेडरेशनने सांगितले - क्रिस्टोफरने गेमशी संबंधित सुरक्षा प्रोटोकॉल तोडला

रशियन बुद्धिबळ संघटनेचे उपाध्यक्ष सर्गेई स्मागिन यांनी न्यूज वीकला सांगितले की रोबोटने मुलाचे बोट तोडले. मुलाने ठरलेल्या वेळे आधीपासून चाल खेळायला सुरुवात केली. ज्यावेळी रोबोटची खेळण्याची पाळी होती.

ते म्हणाले की, असे फार कमी वेळा घडते, माझ्या माहितीनुसार ही पहिलीच वेळ आहे. स्मागिनने मुलाच्या दुखापतीवर सांगितले की काळजी करण्यासारखे काही नाही. दुखापतीनंतरही तो खेळू शकतो, साइन इन करू शकतो आणि समारंभात भागही घेऊ शकतो

मॉस्कोच्या टॉप-30 खेळाडूंमध्ये ख्रिस्तोफरचा आहे समावेश

ख्रिस्तोफर हा मॉस्कोच्या 9 वर्षाखालील 30 नामांकित बुद्धिबळपटूंपैकी एक आहे. या घटनेनंतर त्याचे बोट तुटले असून त्यात अनेक ओरखडे पडले आहेत.

पालकांनी फिर्यादी कार्यालयात जाण्याचे ठरवले

रशियन मीडियानुसार, क्रिस्टोफरच्या पालकांनी मॉस्को अभियोजक कार्यालयात जाण्याचा निर्णय घेतला आहे. तर रशियन बुद्धिबळ महासंघाने म्हटले आहे की आम्ही हे प्रकरण सोडवू आणि त्यांना शक्य ती सर्व मदत करण्याचा प्रयत्न करू.

प्रशिक्षणासाठी रोबोटचा वापर केला जात आहे

आता टेबल टेनिस, फुटबॉल, बास्केटबॉल, बुद्धिबळ अशा अनेक खेळांमध्ये रोबोटचा वापर केला जात आहे. इतकेच काय, खेळाडू त्यांचे प्रशिक्षण मजबूत करण्यासाठी रोबोटचा वापर करत आहेत. आता रोबोट चॅम्पियनशिपही आयोजित केल्या जात आहेत.