क्रीडाविश्व:टेबल टेनिस चॅम्पियनशिपमध्ये श्लोक संघ, मनोज संघाला विजेतेपद

टेबल टेनिस प्रेमींतर्फे आयोजित जिल्हा टेबल टेनिस कनिष्ठ व वरिष्ठ गट सांघिक चॅम्पियनशिपमध्ये कनिष्ठ गटात श्लोक संघाने उत्कृष्ट कामगिरी करत विजेतेपद पटकावले. दुसरीकडे, वरिष्ठ गटात मनोज संघाने अजिंक्यपद मिळवले. विभागीय क्रीडा संकुल येथे झालेल्या स्पर्धेत चार संघांनी सहभाग घेतला होता. प्रथम अशाप्रकारची सांघिक स्पर्धा शहरात घेण्यात आली. त्यामुळे युवा खेळाडूंना वरिष्ठ खेळाडू सोबत खेळवण्याची व त्याच्याकडून शिकण्याची संधी मिळाली. विजेत्या संघांना जितेंद्र मालू यांच्या हस्ते बक्षीस देण्यात आले. याप्रसंगी राष्ट्रीय खेळाडू नीलेश मित्तल, विक्रम देकाते, संदीप अभ्यंकर, प्रायोजक कुलजित सिंग दरोगा उपस्थित होते.

श्लोकने अमेय संघाला हरवले : कनिष्ठ गटात श्लोक संघाने शानदार प्रदर्शन करत अमेय संघावर ३-१ ने मात केली. विजेत्या संघात श्लोक बाहेती, चाणक्य पाटील, अंश पटेल, तर उपविजेत्या संघातील अमेय आठवले, ए. डेकाते, श्रृष्टी राजूरकर यांचे प्रयत्न अपुरे पडले.

मनोजची कनकवर मात
पुरुष गटात मनोज संघाने उत्कृष्ट कामगिरी करत कनक संघाला ४-२ ने पराभवाची धूळ चारत जेतेपद मिळवले. विजेत्या संघाकडून मनोज कानोडजे, डॉ. अक्षय मारवार, संजीव गायकवाड, अजिंक्य जोशी, उमेश वाघमारे यांनी महत्त्वाचे योगदान दिले. दुसरीकडे, उपविजेत्या संघाकडून कनक मालू, काजल जैस्वाल, रवी साळुंके, डॉ. झुबेद पटेल, शिवाजी खरात यांना अपेक्षेप्रमाणे कामगिरी करता आली नाही.