आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Tokyo Olympics Ravi Dahiya Vs Zaur Uguev: Tokyo Olympics Wrestling Final Match Updates | Wrestler Ravi Dahiya Vs Russia Tokyo Olympics

कुस्तीमध्ये मिळाले सिल्व्हर:टोकियो ऑलिम्पिकमध्ये भारताला दुसरे रौप्य पदक, सुवर्णपदकाच्या सामन्यात रवी दहियाचा रशियन कुस्तीपटूकडून पराभव

टोकियो2 महिन्यांपूर्वी
  • कॉपी लिंक

कुस्तीच्या आखाड्यात रवी दहियाकडून सुवर्णपदकाची आशा संपली आहे. 57 किलो वजनी गटाच्या अंतिम फेरीत रवीचा दोन वेळचा विश्वविजेता रशियाच्या जॉर उगुऐवकडून पराभव झाला. रवी आता रौप्य पदकासह भारतात परतणार आहे. उगुऐवने त्याला 3 गुणांनी पराभूत केले.

पंतप्रधानांनी केले अभिनंदन
पंतप्रधान नरेंद्र मोदी यांनी रवी दहियाचे ट्विट करून अभिनंदन केले. ते म्हणाले- रवीची लढाऊ भावना आणि दृढता उत्कृष्ट आहे. रौप्य पदक जिंकल्याबद्दल त्याचे अभिनंदन. त्याच्या कर्तृत्वाचा संपूर्ण भारताला अभिमान आहे.

उगुऐवला रशियाचा सर्वोत्तम कुस्तीपटू मानले जाते
द्वितीय मानांकित उगुऐवने 2018 आणि 2019 विश्व अजिंक्यपद पटकावले आहे. त्याला रशियातील सर्वोत्तम कुस्तीपटूंपैकी एक मानले जाते. त्याने आपल्या कारकिर्दीत आतापर्यंत 15 आंतरराष्ट्रीय स्पर्धांमध्ये 14 पदके जिंकली आहेत. यापैकी 12 सुवर्णपदके आहेत. मात्र, टोकियो ऑलिम्पिकमध्ये त्याला काही कठीण सामन्यांना सामोरे जावे लागले. उपांत्य फेरीत त्याने इराणच्या रझा अत्रिनाघर्चीनीचा सहज पराभव केला.

रवीने उपांत्य फेरीत शानदार विजय मिळवला
चौथ्या मानांकित रवी दहियाने उपांत्य फेरीत कझाकिस्तानच्या नुरिस्लामचा पराभव करून सामना जिंकला. रवी उपांत्य फेरीत 8 गुणांनी पिछाडीवर होता. तो पराभूत होईल असे वाटत होते, परंतु 1 मिनिट शिल्लक असताना रवीने कझाक कुस्तीपटूला चित केले आणि त्याला सामन्यातून बाहेर काढले. विक्ट्री बाय फॉल रुलद्वारे त्याला विजेता घोषित करण्यात आले.

रवीने टोकियोमध्ये भारताचे चौथे पदक निश्चित केले
रवीने टोकियो ऑलिम्पिकमध्ये भारताचे चौथे पदक निश्चित केले आहे. त्याच्याशिवाय मीराबाई चानूने वेटलिफ्टिंगमध्ये रौप्य, पीव्ही सिंधूने बॅडमिंटनमध्ये कांस्यपदक मिळवले आणि बॉक्सिंगमध्ये लवलिना बोरगोहेनने कांस्य जिंकले आहे. 2012 च्या लंडन ऑलिंपिकनंतर हे भारताचे दुसरे सर्वात यशस्वी ऑलिंपिक ठरले आहे. कुस्तीची अंतिम फेरी गाठणारा कुस्तीपटू सुशील कुमार नंतर रवी दुसरा भारतीय आहे.

कुस्तीमध्ये भारताकडे आतापर्यंत 5 ऑलिम्पिक पदके
कुस्तीपटू सुशीलने भारतासाठी ऑलिम्पिकमध्ये सलग दोन पदके जिंकण्याचा विक्रम केला होता. सुशीलने 2008 च्या बीजिंग ऑलिम्पिकमध्ये कांस्यपदक आणि 2012 लंडन ऑलिम्पिकमध्ये रौप्य पदक जिंकले. रवीच्या आधी भारताने कुस्तीमध्ये 5 पदके जिंकली आहेत. सुशील व्यतिरिक्त योगेश्वर दत्तने 2012 मध्ये कांस्य, 2016 च्या रिओ ऑलिम्पिकमध्ये साक्षी मलिकने कांस्य जिंकले. केडी जाधव ऑलिम्पिक कुस्तीमध्ये पदक जिंकणारा भारताचा पहिला कुस्तीपटू होता. 1952 च्या हेलसिंकी ऑलिम्पिकमध्ये त्याने ही कामगिरी केली.

बातम्या आणखी आहेत...