मारुती सुझुकीच्या विक्रीत 6.5% वाढ:एप्रिलमध्ये 1.60 लाख वाहने विकली; टाटाच्या विक्रीत 4% घट

देशातील प्रमुख ऑटोमोबाईल कंपन्यांनी सोमवारी एप्रिल महिन्यातील विक्रीची आकडेवारी जारी केली. यात टाटा मोटर्स, मारुती सुझुकी इंडिया, किया इंडिया आणि एमजी मोटर इंडियाचा समावेश आहे.

टाटा मोटर्सने एप्रिल महिन्यात देशभरात एकूण 69,599 वाहनांची विक्री केली. एप्रिल 2022 च्या तुलनेत टाटाची विक्री 4 टक्क्यांनी कमी आहे. गेल्यावर्षीच्या एप्रिल महिन्यात टाटाने 72,468 गाड्यांची विक्री केली होती. तर मारुती सुझुकीने 6.5 टक्के वाढीसह 1,60,529 वाहनांची विक्री केली. गेल्या वर्षी कंपनीने 1,50,661 वाहनांची विक्री केली होती.

तर किया इंडियाने एप्रिल 2023 मध्ये 22 टक्के वाढीसह 23,216 वाहनांची विक्री केली. गेल्या वर्षी एप्रिलमध्ये कियाने 19,019 वाहनांची विक्री केली होती. तर एमजी मोटर इंडियाने देशभरात 126 टक्के वाढीसह 4,551 वाहनांची विक्री केली. गेल्यावर्षी एमजीने याच कालावधीत 2008 वाहनांची विक्री केली होती.

टाटा मोटर्सच्या व्यावसायिक वाहनांच्या विक्रीत घट

टाटा मोटर्सने एप्रिल 2023 मध्ये एकूण 30,838 व्यावसायिक वाहने विकली आहेत. एप्रिल 2022 च्या तुलनेत हे प्रमाण 27 टक्के कमी आहे. गेल्या वर्षी टाटा मोटर्सने या कालावधीत 22,492 व्यावसायिक वाहनांची विक्री केली होती.

मारुतीने 90,062 आणि टाटाने 47,107 प्रवासी वाहने विकली

मारुती सुझुकीने एप्रिल 2023 मध्ये 90,062 प्रवासी वाहनांची विक्री केली. गेल्या वर्षी याच कालावधीत मारुतीने 76,900 वाहने विकली होती. तर टाटा मोटर्सने एप्रिल 2023 मध्ये 23 टक्के वाढीसह 47,107 वाहनांची विक्री केली. तर गेल्या वर्षी याच महिन्यात कंपनीने 41,630 वाहनांची विक्री केली होती.