सावधान! चित्रपटाच्या लिंकद्वारे सायबर फसवणूक:काश्मीर फाइल्स चित्रपटाला गुन्हेगारांनी बनवले हत्यार, आपले बँक अकाउंट होऊ शकते हॅक; जाणुन घ्या यापासून कसा करावा बचाव

सोशल मीडिया आणि व्हॉट्सअॅपवरील लिंकवर क्लिक करून सायबर फसवणूक केल्याची घटना समोर आली आहे. 'द काश्मीर फाइल्स' या नवीन चित्रपटाची लिंक डाउनलोड करण्याच्या बहाण्याने स्कॅमर व्हॉट्सअॅपवर असे मालवेअर पाठवू शकतात, जे तुमचे बँक खाते हॅक करू शकतात आणि तुमचे पैसे गायब केले जाऊ शकतात.

नोएडा पोलिस अधिकाऱ्यांनी मंगळवारी लोकांना सोशल मीडिया आणि व्हॉट्सअॅपवर अज्ञात लोकांकडून पाठवलेल्या संशयास्पद लिंकवर क्लिक करण्यापासून सावध केले. अधिका-यांनी सांगितले की, सायबर गुन्हेगार ऑनलाइन पेमेंट करण्याच्या बहाण्याने किंवा लोकप्रिय चित्रपट किंवा व्हिडिओमध्ये विनामूल्य उपलब्ध करुन देण्याच्या बहाण्याने अशा लिंक पाठवू शकतात, जेणेकरून यूजर्सचे फोन हॅक केले जातील. त्यांच्या मोबाइल नंबरशी लिंक असलेली बँक खाती रिकामी केली जाऊ शकतात.

व्हॉट्सअॅपवर आलेल्या चित्रपटाच्या लिंकवर क्लिक केल्यास फसवणूक होऊ शकते
अतिरिक्त उपायुक्त (नोएडा) रणविजय सिंह यांनी दिलेल्या माहितीनुसार, पोलिसांना माहिती मिळाली आहे की, 'द कश्मीर फाइल्स' या नुकत्याच प्रदर्शित झालेल्या चित्रपटाची लिंक शेअर करण्याच्या बहाण्याने सायबर फ्रॉड व्हॉट्सअॅपवर असे मालवेअर पाठवू शकतात.

सिंह यांनी प्रसारमाध्यमांना सांगितले की, चित्रपटाचे नाव वापरण्यात आले आहे असे कोणतेही विशिष्ट प्रकरण नाही, परंतु लोकांचे फोन हॅक करण्यासाठी किंवा पैशांची फसवणूक करण्यासाठी अशा पद्धतीचा वापर केला जाऊ शकतो. व्हॉट्सअ‍ॅपवर लोकांसोबत लिंक शेअर केल्याची अनेक प्रकरणे घडली आहेत, जिथे फोन यूजर्सने काही क्लिक केल्यानंतर त्यांच्या बँक खात्यातील रक्कम गायब झाली आहे.

तीन जणांचे 30 लाखांचे झाले नुकसान
अधिकाऱ्याने सांगितले की, अलीकडेच 24 तासांत एकाच पोलिस ठाण्यात तीन जणांच्या सायबर फसवणुकीच्या तक्रारी आल्या आहेत. ज्यामध्ये त्यांचे 30 लाखांचे नुकसान झाले आहे. कोणतीही ऑनलाइन फसवणूक झाल्यास त्यांनी लोकांना सायबर हेल्पलाइन 1930 किंवा 155260) वर त्वरित कॉल करण्यास सांगितले.

सायबर फ्रॉडपासून बचाव करण्याची पध्दत