आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

ॲपलचा नवीन फोन आणि घड्याळ लॉन्च:आयफोन 14 सीरीजचे 4 मॉडेल सादर, जाणून घ्या भन्नाट फिचर्स आणि किंमत

कॅलिफोर्निया19 दिवसांपूर्वी
  • कॉपी लिंक

ॲपलने आगामी आयफोन 14 मालिका कॅलिफोर्नियाच्या क्यूपर्टिनो येथील ॲपल पार्क येथे लॉन्च केली. यावेळी ॲपल ने आयफोन 14, आयफोन 14 प्लस, आयफोन 14 प्रो आणि 14 प्रो मॅक्‍स लॉन्च केले आहेत. यात सॅटेलाइट कनेक्टिव्हिटी मिळेल.

याशिवाय, कंपनीने वॉच सिरीज 8 लाँच केली आहे. ज्यामध्ये एक मोठा डिस्प्ले आणि शरीर-तापमान सेन्सरचा समावेश आहे. SE 2, अल्‍ट्रा वॉच आणि एअरपॉड्स प्रो 2 देखील सादर करण्यात आले आहेत. 2020 नंतर ऍपलचा हा पहिला सर्वांत मोठा इव्‍हेंट आहे.

भारतात आयफोन 14 प्रो ची किंमत 1,29,900 ते 1,79,900 रुपये असेल. त्याच वेळी, आयफोन 14 प्रो मॅक्‍सची किंमत 1,39,900 ते 1,89,900 रुपये असेल. याशिवाय आयफोन 14 ची किंमत 79,900 रुपये ते 1,09,900 रुपये असेल. आयफोन 14 प्लसची किंमत 89,900 रुपये ते 1,19,900 रुपये असेल.

ॲपल वॉच सिरीज 8 ची किंमत 45900 रुपये, SE ची किंमत 29900 रुपये आणि अल्‍ट्राची किंमत 89900 रुपये आहे. त्याच वेळी, एअरपॉड्स प्रो ची किंमत 26900 रुपये आहे. 9 सप्टेंबरपासून त्याची ऑर्डर देता येईल.

अपडेट्स:

ॲपल आयफोन 14 सीरीज

  • 48-मेगापिक्सेलचा मुख्य कॅमेरा आयफोन 14 प्रो आणि 14 प्रो मॅक्‍स मध्ये उपलब्ध असेल.
  • आयफोन 14 प्रो आणि 14 प्रो मॅक्‍स हे A16 चिपसेटद्वारे चालेल.
  • ॲपल ने 6.1 इंचाचा आयफोन 14 आणि 6.7-इंच आयफोन 14 प्लस ची घोषणा केली आहे.
  • आयफोन 14 आणि 14 प्लस A15 चिपसेटवर चालतील.
  • बेस 14 मध्ये 12-मेगापिक्सेलचा प्राथमिक कॅमेरा, अल्ट्रावाइड शूटर आणि फेसटाइम लेन्स असेल.
  • ॲपलने फिजिकल सिम ट्रे काढून टाकला आहे. भारतात हा बदल होईल की नाही, हे अद्याप स्पष्ट झालेले नाही.
  • आयफोन 14 आणि 14 प्लस च्या किंमती $799 आणि $899 पासून सुरू होतील.
  • आयफोन 14 आणि आयफोन 14 प्लस 5 रंगांमध्ये उपलब्ध असतील.
  • सदरील फोन 9 सप्टेंबरपासून प्री-ऑर्डर करता येतील.

ॲपल एअरपॉड्स प्रो 2 लॉन्च

  • ॲपल एअरपॉड्स प्रो 2 ची किंमत $249 असेल.
  • 9 सप्टेंबरपासून प्री-ऑर्डर उपलब्ध होईल आणि 23 सप्टेंबरपासून विक्रीसाठी जाईल.

ॲपल वॉच सिरीज 8, SE आणि अल्‍ट्रा वॉच लाँच केले

  • ऍपल वॉच अल्ट्रा
  • 49mm च्‍या या अल्ट्रा वॉचची किंमत $799 असेल.
  • अल्ट्रा वॉच 23 सप्टेंबरपासून खरेदीसाठी उपलब्ध होईल.
  • ॲपल वॉच अल्‍ट्रा एकाच चार्जवर 36 तास चालेल.
  • ऍपल अल्ट्रा वॉच मध्‍ये प्रिसिजन GPS (L1 आणि L5)आहे.
  • ॲपलचा दावा आहे की ते सर्वात अचूक जीपीएस प्रदान करते.

ॲपल वॉच SE

  • वॉच SE ची किंमत GPS साठी $249 आणि सेल्युलर मॉडेलसाठी $299 असेल.
  • ॲपल वॉच SE मागील वॉच SE पेक्षा 20% वेगवान आहे.
  • ॲपल वॉच स्विम प्रूफ, डस्ट प्रूफ आणि क्रॅक रेझिस्टंट असेल.
  • ऍपल वॉच सिरीज 8
  • ॲपल वॉच सिरीज 8 GPS मॉडेलची किंमत $399 आहे.
  • सेल्युलर मॉडेलची किंमत $499 पासून सुरू होईल.
  • ग्राहकांना वॉच 16 सप्टेंबरपासून उपलब्ध होणार आहे.
  • ॲपल वॉच सिरीज 8 मध्ये कार क्रॅश डिटेक्शन फीचर देखील असेल.
  • ऍपल वॉच सिरीज 8 मध्ये शरीराचे तापमान सेंसर उपलब्ध असेल

2 महिन्यांनंतर मेड इन इंडिया आयफोन-14 लॉन्च

आयफोन 14 रिलीज झाल्यानंतर दोन महिन्यांत भारतात बनवण्याची योजना आखत आहे. ॲपल 2022 मध्ये भारतात 11-12 लाख आयफोन तयार करेल, अशी अपेक्षा आहे. 2021 मध्ये ही संख्या 7.5 लाख होती. याचा अर्थ ऍपलचे भारतीय प्लांट जागतिक शिपमेंटमध्ये 5-7% योगदान देतील आणि 85% स्थानिक मागणी पूर्ण करतील.

2017 पासून भारतात आयफोन बनवले जात आहेत
ॲपल ने 2017 मध्ये आयफोन SE सह भारतात आयफोन बनवायला सुरुवात केली. त्याचे तीन इलेक्ट्रॉनिक्स मॅन्युफॅक्चरिंग सर्व्हिस (ईएमएस) भागीदार आहेत - फॉक्सकॉन, विस्ट्रॉन आणि पेगाट्रॉन. आयफोन SE नंतर, आयफोन 11, आयफोन 12 आणि आयफोन 13 देखील भारतात तयार करण्यात आले.

फॉक्सकॉनचा प्लांट चेन्नईजवळील श्रीपेरंबदुर येथे आहे. आयफोन 13 चे उत्पादन भारतात गेल्या वर्षी सप्टेंबरमध्ये सुरू झाले, त्याच्या लॉन्चनंतर सुमारे सहा ते सात महिन्यांनी मॅन्युफॅक्चरिंग सुरु झाले होते.

भारत सरकारच्या PLI योजनेचा भाग आहे ॲपल
ॲपलचे तीन कंत्राटी उत्पादक भारत सरकारच्या 41,000 कोटी रुपयांच्या उत्पादन-लिंक्ड प्रोत्साहन योजनेचा (PLI) भाग आहेत. या योजनेनंतरच भारतात आयफोन निर्मितीत तेजी आली आहे. 2020 मध्ये, भारत सरकारने PLI योजना सुरू केली होती.

या योजनेंतर्गत, बाहेरील देशांतील कंपन्यांना स्थानिक उत्पादनाचा लाभ घेण्याची तसेच त्यात गुंतवणूक करण्‍याची संधी मिळते.

भारतात बनवलेला आयफोन 14 स्वस्त होईल का?
आयफोन 14 देशात असेंबल केले जाईल, परंतु यामुळे स्थानिक पातळीवर बनवलेल्या आयफोनची किंमत कमी होणार नाही. भारतात उत्पादित असूनही, आयफोन 13 ची किंमत 79,900 रुपये होती. 7 महिन्यांपूर्वी लॉन्चच्या वेळी त्याची किंमत समान होती. त्यामुळे आयफोन 14 ची किंमतही कमी होण्याची शक्यता नाही.

भारतातील ॲपल चे OEM (ओरिजिनल इक्‍युपमेंट मॅन्युफॅक्चरर्स) घटकांवर उच्च आयात शुल्क भरतात. याशिवाय जीएसटी आणि इतर शुल्कही आकारले जातात. यामुळे स्थानिक पातळीवर तयार होणाऱ्या आयफोनची किंमत अजूनही जास्त आहे. याशिवाय, ॲपल भारतात आपले स्मार्टफोन आणि इतर उत्पादने विकण्यासाठी थर्ड पार्टी रिटेल नेटवर्कवर अवलंबून आहे, ज्यामुळे आयफोनची किंमत देखील वाढते.

बातम्या आणखी आहेत...