आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

2022 मध्ये कसा असेल सोशल मीडिया?:नवीन सर्च इंजिन, ई-कॉमर्स पर्यायांतून दिग्गजांना आव्हान

16 दिवसांपूर्वी
  • कॉपी लिंक

अमेरिकेसह अनेक देशांमध्ये महाकाय तंत्रज्ञान कंपन्यांविरुद्ध अविश्वास आणि नाराजी वाढली आहे. अनेक सर्वेक्षणांतून ही वस्तुस्थिती समोर आली आहे. नवीन पर्याय उपलब्ध झाल्यास लोक तयार आहेत. काही उद्योजकांसाठी संवादाचा नवीन मार्ग सादर करण्याची ही सुवर्णसंधी असू शकते. २०२२ मध्ये आपल्याला ब्लॉकचेन, नवीन सर्च इंजिन (निवा) आणि ई-कॉमर्स पर्याय (स्पाॅटिफाय) यासह सामाजिक संवादाचे नवीन मार्ग दिसू शकतील. या पर्यायांमुळे दिग्गजांचा पाया हळूहळू कमकुवत होईल.

नवीन पर्यायांना मदत करण्यासाठी महत्त्वाचे कायदे लवकरच येत आहेत. हे कायदे अमेरिकेऐवजी युरोपमधून येतील. युरोपियन युनियन देश सहा वर्षांपूर्वीच्या जनरल डेटा प्रोटेक्शन रेग्युलेशनप्रमाणेच डिजिटल मार्केट्स कायदा आणि डिजिटल सेवा कायद्याला अंतिम स्वरूप देत आहेत. या कायद्यांची अंमलबजावणी झाली नाही तरी जगभरातील तंत्रज्ञान कंपन्यांच्या नियंत्रणाचा मार्ग खुला होईल. अनेक महत्त्वाच्या तंत्रज्ञानाशी संबंधित अनेक महत्त्वाच्या विधेयकांवर अमेरिकन संसदही विचार करत आहे. राष्ट्राध्यक्ष जो बायडेन यांच्या प्रशासनाने संकेत दिले आहेत की, व्हाइट हाऊसचे तंत्रज्ञान सल्लागार टिम वू, फेडरल ट्रेड कमिशनच्या प्रमुख लीना खान आणि न्याय विभागाचे अँटी ट्रस्ट प्रमुख जोनाथन कँटर यांची पदे कायम राहतील. निश्चितच रिपब्लिकन पक्ष संसदेत ते रोखू शकतो.

मोठ्या टेक कंपन्यांच्या मक्तेदारीला आळा घालण्यासाठी क्लोबाउचर विधेयक मंजूर करून घेण्यासाठी बायडेन सर्वतोपरी प्रयत्न करतील. तरीही, अनेक विश्लेषकांना वाटते की, टेक जायंटच्या साम्राज्यावर परिणाम करणारे कोणतेही महत्त्वाचे कायदे मंजूर केले जाणार नाहीत. आपल्याला मेटाव्हर्स, ब्लाॅकचेन आणि वेब ३ ची प्रगती दिसेल.

फेसबुकला व्हर्च्युअल रिॲलिटीत ॲपल मागे टाकेल
फेसबुकचा नवा हेडसेट येत आहे, पण लोकांना आवडणारा अनुभव अॅपल देणार आहे. व्हीआर उच्च दर्जाच्या हार्डवेअरवर चालते. अॅपल त्यात सक्षम आहे.

सॉफ्टवेअर होईल जिम : यंदा व्हर्च्युअल रिॲ​​​​​​​लिटीऐवजी ऑगमेंटेड फिटनेसप्रेमींत स्थान निर्माण करेल. २०२१ चा ट्रेंड पुढे सरकताना दिसेल.

पॉडकास्ट : एआयने आघाडीच्या पॉडकास्टरना आव्हान. शफल अॅपने १० लोकप्रिय पॉडकास्ट होस्टच्या एआय आवृत्त्या तयार केल्या.

- मोठ्या टेक कंपन्यांची मक्तेदारी रोखण्यासाठी अमेरिकेत कायदा करण्याची तयारी. - इंटरनेटचे जग बदलेल. आपल्याला मेटाव्हर्स, ब्लॉकचेन आणि वेब ३ ची प्रगती दिसेल.

बातम्या आणखी आहेत...