आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • Welcome 2021
  • Your Top 2021 Questions; Narendra Modi Beard Mamata Banerjee West Bengal Politics To When Railways Start All Trains

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

2021 मध्ये 10 प्रश्नांच्या उत्तराची प्रतिक्षा:2020 मध्ये गेलेल्या 2 कोटी नोकऱ्या परत मिळतील, T-20 वर्ल्ड कप भारत जिंकेल, पीएम मोदींनी दाढी का वाढवली?

11 दिवसांपूर्वी
  • कॉपी लिंक
  • दहा कोटीहून अधिक मजूर काही महिन्यांपासून घरी बसले आहेत

2020 वर्षात अनेक महत्त्वपूर्ण प्रश्न मागे राहिले आहेत. यावर्षी मासिक वेतन देणाऱ्या 1.9 कोटींपेक्षा जास्त लोकांच्या नोकऱ्या घेण्यात गेल्या. खाजगी क्षेत्रात, 50% पर्यंत पगार कपात केली गेली. दहा कोटीहून अधिक मजूर काही महिन्यांपासून घरी बसले आहेत. प्रथमच पूर्णपणे प्रवासी गाड्या थांबवण्यात आल्या. अशा परिस्थितीत येत्या वर्षात या सर्व गोष्टी पुन्हा पूर्ववत होतील का हा मोठा प्रश्न आहे.

याशिवाय पश्चिम बंगाल निवडणुका, टी -20 विश्वचषक आणि ऑलिम्पिक स्पर्धेच्या निकालांबद्दलही लोकांना उत्सुकता आहे. आम्ही येथे राजकारण, क्रीडा, सिनेमा आणि सामान्य जीवनाशी संबंधित 10 प्रश्न आणि त्यांचे उत्तर मिळवण्याचा प्रयत्न केला.

कोरोना काळात गेलेल्या नोकऱ्या परत मिळतील का?
पंतप्रधान नरेंद्र मोदींनी लॉकडाउननंतर आवाहन केले होते की, लोकांना नोकऱ्यांवरुन काढू नका. मात्र सेंटर फॉर मॉनिटरिंग इंडियन इकॉनॉमी म्हणजेच CMIE च्या आकड्यांनुसार एप्रिलमध्ये 1.77 कोटी, मेमध्ये 1 लाख आणि जूनमध्ये 39 लाख लोकांच्या नोकऱ्या गेल्या. एकूण मिळून कोरोनाकाळात 1.9 कोटी नोकरी करणारे लोक बेरोजगार झाले.

अनलॉकनंतरपासून आतापर्यंत जवळपास 50 लाख लोकांनाच पुन्हा रोजगार मिळू शकला आहे. यासाठी 2021 चा सर्वात मोठा प्रश्न हा आहे की, ज्यांच्या नोकऱ्या गेल्या होत्या त्यांना पुन्हा रोजगार मिळू शकेल का? सध्या CMIE चे आकडे सांगतात की, 30 जून 2020 ला भारतात बेरोजगारी दर 23% पोहोचला होता. जो 30 डिसेंबरला 9.1% राहिला होता. हा मार्चमध्ये रोजगार हिसकावण्याच्या पहिले बेरोजगारी दर 8.75% पेक्षा थोडा जास्त होता.

सर्व ट्रेन कधीपासून सुरू होतील?
22 मार्च 2020 पूर्वी 13 हजारांपेक्षा जास्त प्रवासी ट्रेन चालत होत्या. यामध्ये रोज 2.2 कोटीपेक्षा जास्त लोक प्रवास करत होते. महिन्यातून ट्रेनने प्रवास करणाऱ्यांची संख्या 6 अरबपेक्षा जास्त असते. कोरोनामुळे 31 मार्चला प्रवासी ट्रेन पूर्णपणे बंद करण्यात आल्या होत्या. यानंतर मेपासून डिसेंबरपर्यंत एकूण 8 महिन्यात केवळ 1089 ट्रेन चालवण्यात आल्या आहेत. यामुळे 2021 चा दुसरा सर्वात मोठा प्रश्न असा आहे की, पहिल्याप्रमाणे रेल्वे या ट्रॅकवर परततील का?

रेल्वे बोर्डचे चेअरमन आणि CEO व्हीके यादव यांनी माहिती दिली होती की, रेल्वे संचालनात आतापर्यंत परतलेल्या कर्मचाऱ्यांमध्ये 30 हजारांपेक्षा जास्त कोविड पॉझिटिव्ह आढळले आहेत आणि 700 पेक्षा अधिक लोकांचा मृत्यू झाला आहे.

आपल्या धर्तीवर भारत टी-20 वर्ल्डकप जिंकू शकेल का?
2016 च्या पाच वर्षांनंतर क्रिकेट चाहत्यांना 2021 च्या वर्ल्ड कपची प्रतिक्षा आहे. हे भारतीय दर्शकांसाठी औत्सुक्याचे ठरणार आहे. कारण पहिला टी-20 वर्ल्ड कप 2007 मध्ये टीम इंडियाने जिंकला होता. आता 7 वा टी-20 वर्ल्ड कप भारतातच होणार आहे.

आता प्रश्न असा आहे की टीम इंडिया यावर्षी टी -20 विश्वचषक जिंकेल? सध्या डिसेंबर 2020 मध्ये टीम इंडियाने ऑस्ट्रेलियामध्ये तीन टी -20 सामन्यांमध्ये 2-1 अशी मालिका जिंकली होती. तेव्हापासून अपेक्षा वाढल्या आहेत.

ममता बॅनर्जी आपला बंगाल गढ वाचवू शकतील का?
यंदा पश्चिम बंगालमध्ये विधानसभा निवडणुका होणार आहेत. निवडणुकीच्या हालचाली अजूनही वेगवान आहेत. गृहमंत्री अमित शहांसह भारतीय जनता पक्षाचे अध्यक्ष जे.पी. नड्डा, प्रभारी कैलाश विजयवर्गीय यांनी राज्यांमध्ये सभा वाढवल्या आहेत. निवडणूक रॅली आत्तापासून सुरू झाल्या आहेत. डिसेंबर 2020 मध्ये अमित शाह यांनी बंगाल दौरा केला. या दरम्यान ममता बॅनर्जींची पार्टी तृणमूल काँग्रेसने नऊ आमदार आणि एक खासदाराने पक्ष बदलून BJP मध्ये प्रवेश केला. पहिलेच लोकसभा निवडणुका 2019 मध्ये 40 मधील 22 जागा जिंकून BJP ने हालचाली वाढवल्या आहेत.

येत्या 23 जानेवारीला नेताजी सुभाष चंद्र बोस यांच्या जयंतीला राज्यात टीएमसीने छोट्या-छोट्या जागांवर कार्यक्रम आयोजित करण्याचे आवाहन केले आहे. टीएमसीने एकदा पुन्हा तळागाळात तयारी सुरू केली आहे.

यावर्षी पाच ऑगस्टला सरकार काय करेल?
पंतप्रधान नरेंद्र मोदींच्या सरकारने 5 ऑगस्टला एक खास दिवस बनवला आहे. 5 ऑगस्टला 2019 मध्ये काश्मीरमधून कलम 370 हटवण्यात आले होते. 2020 मध्ये जेव्हा राम मंदिराच्या भूमिपूजनाविषयी चर्चा झाली तेव्हा 5 ऑगस्टचीच निवड करण्यात आली होती.

आता हा केवळ संयोग होता की, यावेळीही 5 ऑगस्टला सरकार एखादी मोठी घोषणा करेल, याचे उत्तरही यावर्षीच मिळेल. सध्या एक देश एक निवडणूक आणि यूनिफॉर्म सिव्हिल कोडविषयी वाद सुरू आहे.

धोनी यावर्षी अखेरच्या वेळी आयपीएल खेळणार का?
महेंद्रसिंग धोनी हा असा भारतीय क्रिकेटपटू आहे ज्याने क्रिकेटच्या सर्व स्वरूपात टीम इंडियाला प्रथम स्थानावर आणले. 2007 मध्ये त्याने कर्णधार म्हणून टी -20 विश्वचषक जिंकला, 2011 मध्ये एकदिवसीय विश्वचषक जिंकला, 2013 मध्ये में IC चॅम्पियन्स ट्रॉफी जिंकली आणि 2009 मध्ये कसोटी क्रिकेटच्या अव्वल क्रमांकावर पोहोचला. सन 2020 मध्ये तो वन डे आणि टी -20 मधून निवृत्त झाला. धोनीने 2014 मध्ये कसोटीतून निवृत्ती घेतली होती.

2020 मध्ये झालेल्या आयपीएलमध्ये धोनीचा संघ चेन्नई सुपर किंग्ज आतापर्यंतचे सर्वात वाईट प्रदर्शन करत 14 पैकी केवळ 6 जिंकू शकला. धोनीने 14 सामन्यात 200 धावा केल्या. यात 47 सर्वोच्च धावसंख्या आहे. आता प्रश्न आहे की 2021 हा त्याचा शेवटचा आयपीएल असेल का?

पंतप्रधान नरेंद्र मोदींनी दाढी आणि केस का वाढवले?
पंतप्रधान नरेंद्र मोदींनी आपला लूक बदलला आहे. ते आता वाढलेली दाढी आणि मोठ्या केसांमध्ये दिसत आहेत. त्यांचा हा फोटो रवींद्र नाथ टागोर यांच्या चित्रासह सोशल मीडियावर मोठ्या प्रमाणात शेअर केले गेले आणि त्यावरून बर्‍याच दिवसांपासून वादविवाद सुरू झाले. सामान्य सोशल मीडिया वापरकर्त्यांसह अभिनेत्री गुल पनाग यांनीही पंतप्रधान मोदींच्या नव्या अवतारची तुलना रवींद्रनाथ टागोर यांच्याशी केली.

पंतप्रधान मोदींच्या नव्या लूकमागील कारण काय आहे हे आत्ता कोणालाही माहिती नाही. सर्व जण त्यांच्या स्वतःच्या सोयीनुसार अंदाज लावत आहेत. द प्रिंटने एका लेखात म्हटले आहे की पंतप्रधान मोदींनी यापूर्वीही राजकीय कारणास्तव आपले रूप बदलले आहेत. आता प्रश्न आहे की हे रहस्य 2021 मध्ये उलगडेल काय?

काँग्रेसला नवीन अध्यक्ष मिळेल का?
2019 मध्ये लोकसभा निवडणुकांमध्ये पराभव झाल्यानंतर राहुल गांधींनी कॉंग्रेस अध्यक्षपदाचा राजीनामा दिला होता. कित्येक महिन्यांच्या विचारमंथनानंतर सोनिया गांधी यांना पुन्हा कॉंग्रेस पक्षाचे अंतरिम अध्यक्ष केले गेले, परंतु ऑगस्ट 2020 मध्ये 23 नाराज झालेल्या कॉंग्रेस नेत्यांनी सोनिया गांधी यांना पत्र पाठवून पक्ष नेतृत्त्वाची निवड करण्याची मागणी केली होती.

नाराज नेत्यांमध्ये गुलाम नबी आझाद, कपिल सिब्बल, मनीष तिवारी, शशी थरूर आणि विवेक तन्खा यांच्यासह प्रमुख नेत्यांचा समावेश होता. त्यांनी कॉंग्रेस पक्षात नव्याने सुधारणांचे व वरिष्ठ नेत्यांच्या निवडीचे समर्थन केले. आता जानेवारीत नाराज नेते आणि सोनिया गांधी यांच्यात बैठक होणार आहे.

चित्रपटगृहात नवीन चित्रपट रिलीज होतील का?
कोरोना महामारीमुळे मार्च 2020 मध्ये थिएटर बंद झाले. त्यावेळी रोहित शेट्टी, अक्षय कुमार आणि कतरिना कैफने सूर्यवंशी यांच्या टीमबरोबर जोरदार प्रमोशन केले होती. 24 मार्च 2020 रोजी हा चित्रपट प्रदर्शित होणार होता. त्याचप्रमाणे रणवीर सिंग आणि दीपिका पादुकोण यांनीही 83 चे प्रमोशन करण्यास सुरवात केली होती, हा चित्रपट 10 एप्रिल 2020 रोजी प्रदर्शित होणार होता, पण होऊ शकला नाही.

रोहित शेट्टी आणि अक्षय कुमार एकत्र आल्याने प्रेक्षकांना मोठ्या अॅक्शनची अपेक्षा आहे, दुसरीकडे टीम इंडियाच्या पहिल्या 1983 च्या एकदिवसीय क्रिकेट विश्वचषकातील विजयाच्या कथेची प्रतीक्षा आहे. लॉकडाऊन दरम्यान ओटीटीवर या चित्रपटांच्या रिलीजची बातमी समोर आली पण निर्मात्यांना हा चित्रपट थिएटरमध्ये प्रदर्शित करायचा होता. याक्षणी चित्रपटगृहे उघडली आहेत, परंतु निर्मात्यांना चित्रपटाच्या प्रदर्शनाची तारीख निश्चित करता आली नाही.

ऑलिम्पिक योग्य पध्दतीने होईल का?
23 जुलै 2021 ते 8 ऑगस्ट दरम्यान टोकियोमध्ये ऑलिम्पिक खेळांचे आयोजन करण्यात आले आहे. जपान आपल्या तयारीमध्ये पूर्णपणे गुंतलेला आहे. ऑलिम्पिक फ्लॅशलाइट रिले देखील 25 मार्च 2021 रोजी फुकुशिमा येथून सुरू होईल. जपानची राजधानी टोकियोसह 47 प्रांतांमधून जाणार आहे. मात्र, अद्याप जपानच्या बर्‍याच भागात हालचालींवर वेगवेगळे निर्बंध आहेत.

अशावेळी टॉर्च रिले योग्य पध्दतीने होईल की नाही यावर प्रश्नचिन्ह आहेत. अशा वेळी ऑलिम्पिक आपल्या वास्तवीक पध्दतीने होणार की नाही यावर संशय आहे. खरेतरर ऑलिम्पिक 2020 मध्येही आयोजित होणार होता, मात्र कोरोनामुळे स्थगित करण्यात आले होते.

Open Divya Marathi in...
  • Divya Marathi App
  • BrowserBrowser