Mon, Nov 16, 2026Updated 07:00 PM IST

पावसाच्या माघारीनंतर महाराष्ट्राला 'ऑक्टोबर हिट'चा तीव्र तडाखा:12 ऑक्टोबरपर्यंत उष्णतेच्या लाटेचा इशारा, मुंबईसह विदर्भाचा पारा 40 अंशांच्या उंबरठ्यावर

मुंबई1 महिन्यापूर्वी
  • कॉपी लिंक

नैऋत्य मोसमी पावसाने (मॉन्सून) राज्यातून पूर्णपणे माघार घेताच महाराष्ट्रातील वातावरणात अचानक आणि नाट्यमय बदल झाला आहे. पावसाळा संपल्यानंतर अवघ्या काही दिवसांतच मुंबईसह संपूर्ण राज्याला 'ऑक्टोबर हिट'च्या असह्य झळा बसू लागल्या आहेत. प्रचंड उकाडा आणि वा

.

पुढील 48 तासांत तापमानात आणखी वाढ

हवामान खात्याने वर्तवलेल्या अंदाजानुसार, राज्यातील तापमानात आणखी वाढ होणार आहे. येत्या 48 तासांत राज्यातील काही भागांतील तापमानात 2 ते 3 अंश सेल्सिअसने आणि त्यानंतरच्या दिवसांत पुन्हा 1 ते 3 अंश सेल्सिअसने वाढ नोंदवली जाण्याचा अंदाज आहे. दक्षिण कोकणातील जिल्ह्यांमध्ये उष्णतेची लाट येण्याची शक्यता असून, उत्तर कोकणात प्रचंड उकाडा आणि घामाघूम करणारे दमट हवामान नागरिकांची परीक्षा घेईल. राज्यातील बहुतांश जिल्ह्यांमध्ये कमाल तापमान सरासरी 37 ते 39 अंश सेल्सिअसच्या आसपास राहण्याचा अंदाज वर्तवण्यात आला आहे.

मुंबईत सांताक्रूझचा पारा 37.6 अंशांवर; सामान्यपेक्षा 4.5 अंशांनी अधिक नोंद

राज्याची राजधानी मुंबईत पावसाळा संपल्यानंतर उष्णतेने रौद्ररूप धारण केले आहे. गुरुवारी मुंबईतील सांताक्रूझ वेधशाळेत कमाल तापमान तब्बल 37.6 अंश सेल्सिअस नोंदवले गेले. हे तापमान सरासरी तापमानापेक्षा 4.5 अंशांनी अधिक असल्याने हवामान विभागाने मुंबई आणि शेजारील रायगड जिल्ह्यासाठी उष्णतेचा विशेष इशारा जारी केला आहे. 3 ऑक्टोबर रोजी मोसमी पावसाने माघार घेतल्यानंतर शहरातील तापमानाचा आलेख वेगाने वर चढत आहे.

मुंबईतील ऑक्टोबर महिन्यातील ऐतिहासिक तापमानावर नजर टाकल्यास, सांताक्रूझ येथे 17 ऑक्टोबर 2015 रोजी आतापर्यंतचे विक्रमी 38.6 अंश सेल्सिअस तापमान नोंदवले गेले होते. तर कुलाबा येथे 22 ऑक्टोबर 1968 रोजी विक्रमी 39.5 अंश सेल्सिअस तापमानाची नोंद झाली होती. यंदाही पारा त्याच ऐतिहासिक नोंदींच्या दिशेने वाटचाल करतो की काय, अशी भीती व्यक्त होत आहे.

विदर्भात उन्हाचे चटके; नागपूरसह अनेक जिल्ह्यांत पारा 40 अंशांच्या उंबरठ्यावर!

विदर्भात ऑक्टोबरच्या पहिल्या आठवड्यापासूनच उन्हाळ्यासारखी परिस्थिती निर्माण झाली आहे. नागपूर शहरात गेल्या काही दिवसांपासून तापमान सातत्याने 35 ते 36 अंश सेल्सिअसच्या वर नोंदवले जात आहे. विदर्भातील ग्रामीण आणि शहरी भागांत दुपारच्या सुमारास तापमानाचा पारा 40 अंश सेल्सिअसच्या उंबरठ्यावर पोहोचला आहे. कडक ऊन आणि कोरड्या हवामानामुळे नागरिकांना घराबाहेर पडणे कठीण झाले असून, पुढील काही दिवस ही स्थिती कायम राहण्याचा अंदाज आहे.

अचानक वाढलेल्या उष्म्यामुळे आरोग्य धोक्यात; वैद्यकीय तज्ज्ञांचे महत्त्वाचे सल्ले

हवामानातील या तीव्र बदलामुळे विषाणूजन्य आजार, डिहायड्रेशन (पाण्याची कमतरता), चक्कर येणे आणि उष्माघाताचा (Heat Stroke) धोका वाढला आहे. या पार्श्वभूमीवर आरोग्य विभागाने नागरिकांना खालील खबरदारी घेण्याचे आवाहन केले आहे. तहान लागलेली नसली तरीही शरीरातील पाण्याचे प्रमाण टिकवून ठेवण्यासाठी दिवसभरात भरपूर पाणी, लिंबू पाणी, ताक आणि नारळ पाणी प्यावे. सकाळी 11 ते दुपारी 4 या वेळेत थेट कडक उन्हात अनावश्यक फिरणे टाळावे. बाहेर पडताना हलक्या रंगाचे, सैल आणि सुती कपडे वापरावेत; डोक्यावर टोपी, रुमाल किंवा छत्रीचा वापर करावा. तीव्र डोकेदुखी, उलट्या किंवा थकवा जाणवल्यास घरगुती उपचारांवर अवलंबून न राहता तत्काळ डॉक्टरांचा सल्ला घ्यावा.

-------------------------------------------

हेही वाचा…

पुण्यात MPSC आंदोलकांवर दुसरा गुन्हा दाखल : विनापरवाना ड्रोन उडवल्याप्रकरणी युवक काँग्रेसच्या शिवराज मोरेंसह 5 जणांवर बडगा, 15 आंदोलनकर्त्यांवर आधीच गंभीर कलमे

पुण्यातील अलका टॉकीज चौक आणि एस. एम. जोशी पुलावर स्पर्धा परीक्षांच्या विद्यार्थ्यांकडून सुरू असलेल्या बेमुदत आंदोलनावरून पोलीस प्रशासन आणि आंदोलनकर्त्यांमधील संघर्ष आता अधिक तीव्र बनला आहे. आंदोलनादरम्यान विनापरवाना ड्रोन उडवून चित्रीकरण केल्याप्रकरणी विश्रामबाग पोलीस ठाण्यात आता दुसरा स्वतंत्र गुन्हा दाखल करण्यात आला आहे. या ताज्या कारवाईत महाराष्ट्र प्रदेश युवक काँग्रेसचे अध्यक्ष शिवराज मोरे यांच्यासह 5 जणांना आरोपी करण्यात आले आहे. यापूर्वीच रस्ता अडवून वाहतुकीस अडथळा निर्माण करणे आणि बेकायदेशीर जमाव जमवल्याप्रकरणी 15 प्रमुख आंदोलकांवर गुन्हे नोंदवण्यात आले होते; त्यात आता ड्रोन प्रकरणातील दुसऱ्या गुन्ह्याची भर पडल्याने राजकीय व विद्यार्थी वर्तुळात मोठी खळबळ उडाली आहे. येथे वाचा संपूर्ण बातमी


LockIcon
Content blocker

अर्धवट नाही! वाचा पूर्ण! वाचा पूर्ण बातमी दिव्य मराठी अ‍ॅपवर

DB QR Code
अ‍ॅप डाऊनलोड करण्यासाठी QR स्कॅन कराDownload android app - Divya MarathiDownload ios app - Divya Marathi
पूर्ण बातमी वाचा अ‍ॅपवरप्रीमियम मेंबरशिप असेल तर लॉगिन करा

Local News

Today Weather Update

Our Group Site Links